Ubay ibn Kaʼb (roziyallohu anhu)dan rivoyat qilinadi: Rasululloh ﷺ menga: «Albatta, Alloh taboraka va taolo menga senga (Qurʼonni) qiroat qilib berishimni buyurdi», dedilar. Bas, u zot menga {Ahli kitob va mushriklardan kofir boʻlganlar, oʻzlariga aniq hujjat — pokiza sahifalarni tilovat qiladigan Allohning elchisi kelmagunicha (kufrdan) ajraladigan emas edilar; unda toʻgʻri kitoblar bor. Kitob berilganlar esa, faqat oʻzlariga aniq hujjat kelganidan keyingina boʻlinib ketdilar} (oyatlarini) qiroat qildilar. (Yana): «Albatta, Allohning huzuridagi din — hanifiylikdir; mushriklik ham, yahudiylik ham, nasroniylik ham emas. Kim yaxshilik qilsa, undan u inkor etilmaydi», (deb oʻqidilar). Shuʼba dedi: Soʻng u zot undan keyingi oyatlarni oʻqidilar, keyin: «Agar Odam farzandiga ikki vodiy toʻla mol boʻlsa, u uchinchi vodiyni soʻraydi. Odam farzandining ichini tuproqdan boshqa narsa toʻldirmaydi», deb oʻqidilar. Soʻng uni (suraning) qolganlari bilan tugatdilar.Убай ибн Каъб (розияллоҳу анҳу)дан ривоят қилинади: Расулуллоҳ ﷺ менга: «Албатта, Аллоҳ таборака ва таоло менга сенга (Қуръонни) қироат қилиб беришимни буюрди», дедилар. Бас, у зот менга {Аҳли китоб ва мушриклардан кофир бўлганлар, ўзларига аниқ ҳужжат — покиза саҳифаларни тиловат қиладиган Аллоҳнинг элчиси келмагунича (куфрдан) ажраладиган эмас эдилар; унда тўғри китоблар бор. Китоб берилганлар эса, фақат ўзларига аниқ ҳужжат келганидан кейингина бўлиниб кетдилар} (оятларини) қироат қилдилар. (Яна): «Албатта, Аллоҳнинг ҳузуридаги дин — ҳанифийликдир; мушриклик ҳам, яҳудийлик ҳам, насронийлик ҳам эмас. Ким яхшилик қилса, ундан у инкор этилмайди», (деб ўқидилар). Шуъба деди: Сўнг у зот ундан кейинги оятларни ўқидилар, кейин: «Агар Одам фарзандига икки водий тўла мол бўлса, у учинчи водийни сўрайди. Одам фарзандининг ичини тупроқдан бошқа нарса тўлдирмайди», деб ўқидилар. Сўнг уни (суранинг) қолганлари билан тугатдилар.