حَدَّثَنَا عَبْد اللَّهِ حَدَّثَنَا رَوْحُ بْنُ عَبْدِ الْمُؤْمِنِ حَدَّثَنَا عُمَرُ بْنُ شَقِيقٍ حَدَّثَنَا أَبُو جَعْفَرٍ الرَّازِيُّ حَدَّثَنَا الرَّبِيعُ بْنُ أَنَسٍ عَنْ أَبِي الْعَالِيَةِ عَنْ أُبَيِّ بْنِ كَعْبٍأَنَّهُمْ جَمَعُوا الْقُرْآنَ فِي مَصَاحِفَ فِي خِلَافَةِ أَبِي بَكْرٍ رَضِيَ اللَّهُ عَنْهُ فَكَانَ رِجَالٌ يَكْتُبُونَ وَيُمْلِي عَلَيْهِمْ أُبَيُّ بْنُ كَعْبٍ فَلَمَّا انْتَهَوْا إِلَى هَذِهِ الْآيَةِ مِنْ سُورَةِ بَرَاءَةٌ {ثُمَّ انْصَرَفُوا صَرَفَ اللَّهُ قُلُوبَهُمْ بِأَنَّهُمْ قَوْمٌ لَا يَفْقَهُونَ} فَظَنُّوا أَنَّ هَذَا آخِرُ مَا أُنْزِلَ مِنْ الْقُرْآنِ فَقَالَ لَهُمْ أُبَيُّ بْنُ كَعْبٍ إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَقْرَأَنِي بَعْدَهَا آيَتَيْنِ {لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ إِلَى وَهُوَ رَبُّ الْعَرْشِ الْعَظِيمِ} ثُمَّ قَالَ هَذَا آخِرُ مَا أُنْزِلَ مِنْ الْقُرْآنِ قَالَ فَخُتِمَ بِمَا فُتِحَ بِهِ بِاللَّهِ الَّذِي لَا إِلَهَ إِلَّا هُوَ وَهُوَ قَوْلُ اللَّهِ تَبَارَكَ وَتَعَالَى {وَمَا أَرْسَلْنَا مِنْ قَبْلِكَ مِنْ رَسُولٍ إِلَّا يُوحَى إِلَيْهِ أَنَّهُ لَا إِلَهَ إِلَّا أَنَا فَاعْبُدُونِ}
Ubay ibn Kaʼb (roziyallohu anhu)dan rivoyat qilinadi: Ular Abu Bakr (roziyallohu anhu) xalifaligida Qurʼonni mushaflarga jamladilar. Kishilar yozar, Ubay ibn Kaʼb esa ularga aytib turar edi. Baroa surasidagi: {Soʻng yuz oʻgirdilar, Alloh ularning qalblarini burdi, chunki ular anglamaydigan qavmdirlar} degan oyatga yetganlarida, ular buni Qurʼondan nozil boʻlgan eng oxirgi (oyat) deb oʻyladilar. Shunda Ubay ibn Kaʼb ularga: «Rasululloh ﷺ menga bundan keyin ikki oyatni oʻqib berganlar: {Sizlarga oʻzingizdan boʻlgan bir Rasul keldiki, sizlarga yetgan mashaqqat unga ogʻirdir, u sizlarga (hidoyatingizga) harisdir, moʻminlarga esa raʼfatli va rahmlidir} — {va U ulugʻ Arshning Robbidir}gacha», dedi. Soʻng: «Bu Qurʼondan nozil boʻlganning eng oxirgisidir», dedi. (Roviy) aytdi: Bas, (Qurʼon) nima bilan ochilgan boʻlsa, oʻsha bilan — Undan oʻzga iloh yoʻq boʻlgan Alloh (zikri) bilan yakunlandi. Bu Alloh tabaraka va taoloning: {Biz sendan oldin ham har bir Rasulga: ‹Mendan oʻzga iloh yoʻq, bas, Menga ibodat qilinglar›, deb vahiy qilmasdan yubormaganmiz} degan soʻzidir.Убай ибн Каъб (розияллоҳу анҳу)дан ривоят қилинади: Улар Абу Бакр (розияллоҳу анҳу) халифалигида Қуръонни мушафларга жамладилар. Кишилар ёзар, Убай ибн Каъб эса уларга айтиб турар эди. Бароа сурасидаги: {Сўнг юз ўгирдилар, Аллоҳ уларнинг қалбларини бурди, чунки улар англамайдиган қавмдирлар} деган оятга етганларида, улар буни Қуръондан нозил бўлган энг охирги (оят) деб ўйладилар. Шунда Убай ибн Каъб уларга: «Расулуллоҳ ﷺ менга бундан кейин икки оятни ўқиб берганлар: {Сизларга ўзингиздан бўлган бир Расул келдики, сизларга етган машаққат унга оғирдир, у сизларга (ҳидоятингизга) ҳарисдир, мўминларга эса раъфатли ва раҳмлидир} — {ва У улуғ Аршнинг Роббидир}гача», деди. Сўнг: «Бу Қуръондан нозил бўлганнинг энг охиргисидир», деди. (Ровий) айтди: Бас, (Қуръон) нима билан очилган бўлса, ўша билан — Ундан ўзга илоҳ йўқ бўлган Аллоҳ (зикри) билан якунланди. Бу Аллоҳ табарака ва таолонинг: {Биз сендан олдин ҳам ҳар бир Расулга: ‹Мендан ўзга илоҳ йўқ, бас, Менга ибодат қилинглар›, деб ваҳий қилмасдан юбормаганмиз} деган сўзидир.