Ubay ibn Kaʼb (roziyallohu anhu)dan rivoyat qilinadi: Masjid chayla holida ekan, Rasululloh ﷺ bir xurmo tanasiga qarab namoz oʻqir va oʻsha tananing yonida turib xutba qilar edilar. Ashoblaridan bir necha kishi: «Ey Allohning Rasuli, sizga juma kuni ustida turadigan bir narsa qilib bersak — toki siz odamlarni koʻrsangiz (yoki: odamlar sizni koʻrsalar) va odamlar xutbangizni eshitsalar?» dedilar. U zot: «Ha», dedilar. Shunda ular u zotga uch pogʻona yasadilar. Nabiy ﷺ ilgari turgan joylarida turdilar, bas, tana u zot tomon egildi. U zot unga: «Tinchlan», dedilar. Soʻng ashoblariga: «Mana bu tana menga qarab ingradi», dedilar. Soʻng Nabiy ﷺ unga: «Tinchlan! Xohlasang, seni jannatga ekaman, solihlar sendan yeydilar; xohlasang, seni ilgarigidek yashnab turgan holingga qaytaraman», dedilar. Bas, u dunyodan koʻra oxiratni ixtiyor qildi. Nabiy ﷺ vafot etganlarida, u Ubayga berildi va uni qurt-qumursqa yeb qoʻygunicha uning huzurida turdi.Убай ибн Каъб (розияллоҳу анҳу)дан ривоят қилинади: Масжид чайла ҳолида экан, Расулуллоҳ ﷺ бир хурмо танасига қараб намоз ўқир ва ўша тананинг ёнида туриб хутба қилар эдилар. Ашобларидан бир неча киши: «Эй Аллоҳнинг Расули, сизга жума куни устида турадиган бир нарса қилиб берсак — токи сиз одамларни кўрсангиз (ёки: одамлар сизни кўрсалар) ва одамлар хутбангизни эшитсалар?» дедилар. У зот: «Ҳа», дедилар. Шунда улар у зотга уч поғона ясадилар. Набий ﷺ илгари турган жойларида турдилар, бас, тана у зот томон эгилди. У зот унга: «Тинчлан», дедилар. Сўнг ашобларига: «Мана бу тана менга қараб ингради», дедилар. Сўнг Набий ﷺ унга: «Тинчлан! Хоҳласанг, сени жаннатга экаман, солиҳлар сендан ейдилар; хоҳласанг, сени илгаригидек яшнаб турган ҳолингга қайтараман», дедилар. Бас, у дунёдан кўра охиратни ихтиёр қилди. Набий ﷺ вафот этганларида, у Убайга берилди ва уни қурт-қумурсқа еб қўйгунича унинг ҳузурида турди.