Abu Zarr (roziyallohu anhu) aytdi: Quyosh botganda men masjidda Rasululloh ﷺ bilan birga edim. U zot: «Ey Abu Zarr, bu (quyosh) qayoqqa ketishini bilasanmi?» dedilar. Men: «Alloh va Uning Rasuli bilguvchiroq», dedim. U zot: «Albatta u ketib, Robbi azza va jallaning huzurida sajda qiladi, soʻng qaytishga izn soʻraydi va unga izn beriladi. Goʻyo unga: ‹Kelgan tomoningdan qayt›, deyilgandek (boʻlib), u oʻzining chiqish joyiga qaytadi. Mana shu uning qaror (topish) joyidir», dedilar. Soʻng: «Va quyosh oʻzining qaror joyi tomon oqadi», (oyatini) oʻqidilar.Абу Зарр (розияллоҳу анҳу) айтди: Қуёш ботганда мен масжидда Расулуллоҳ ﷺ билан бирга эдим. У зот: «Эй Абу Зарр, бу (қуёш) қаёққа кетишини биласанми?» дедилар. Мен: «Аллоҳ ва Унинг Расули билгувчироқ», дедим. У зот: «Албатта у кетиб, Робби азза ва жалланинг ҳузурида сажда қилади, сўнг қайтишга изн сўрайди ва унга изн берилади. Гўё унга: ‹Келган томонингдан қайт›, дейилгандек (бўлиб), у ўзининг чиқиш жойига қайтади. Мана шу унинг қарор (топиш) жойидир», дедилар. Сўнг: «Ва қуёш ўзининг қарор жойи томон оқади», (оятини) ўқидилар.