حَدَّثَنَا ابْنُ نُمَيْرٍ حَدَّثَنَا مُوسَى يَعْنِي ابْنَ الْمُسَيَّبِ الثَّقَفِيَّ عَنْ شَهْرٍ عَنْ عَبْدِ الرَّحْمَنِ بْنِ غَنْمٍ الْأَشْعَرِيِّ عَنْ أَبِي ذَرٍّعَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ إِنَّ اللَّهَ تَبَارَكَ وَتَعَالَى يَقُولُ يَا عِبَادِي كُلُّكُمْ مُذْنِبٌ إِلَّا مَنْ عَافَيْتُ فَاسْتَغْفِرُونِي أَغْفِرْ لَكُمْ وَمَنْ عَلِمَ مِنْكُمْ أَنِّي ذُو قُدْرَةٍ عَلَى الْمَغْفِرَةِ فَاسْتَغْفَرَنِي بِقُدْرَتِي غَفَرْتُ لَهُ وَلَا أُبَالِ وَكُلُّكُمْ ضَالٌّ إِلَّا مَنْ هَدَيْتُ فَسَلُونِي الْهُدَى أَهْدِكُمْ وَكُلُّكُمْ فَقِيرٌ إِلَّا مَنْ أَغْنَيْتُ فَسَلُونِي أَرْزُقْكُمْ وَلَوْ أَنَّ حَيَّكُمْ وَمَيِّتَكُمْ وَأُولَاكُمْ وَأُخْرَاكُمْ وَرَطْبَكُمْ وَيَابِسَكُمْ اجْتَمَعُوا عَلَى قَلْبِ أَتْقَى عَبْدٍ مِنْ عِبَادِي لَمْ يَزِيدُوا فِي مُلْكِي جَنَاحَ بَعُوضَةٍ وَلَوْ أَنَّ حَيَّكُمْ وَمَيِّتَكُمْ وَأُولَاكُمْ وَأُخْرَاكُمْ وَرَطْبَكُمْ وَيَابِسَكُمْ اجْتَمَعُوا فَسَأَلَ كُلُّ سَائِلٍ مِنْهُمْ مَا بَلَغَتْ أُمْنِيَّتُهُ وَأَعْطَيْتُ كُلَّ سَائِلٍ مَا سَأَلَ لَمْ يَنْقُصْنِي إِلَّا كَمَا لَوْ مَرَّ أَحَدُكُمْ عَلَى شَفَةِ الْبَحْرِ فَغَمَسَ إِبْرَةً ثُمَّ انْتَزَعَهَا ذَلِكَ لِأَنِّي جَوَادٌ مَاجِدٌ وَاجِدٌ أَفْعَلُ مَا أَشَاءُ عَطَائِي كَلَامِي وَعَذَابِي كَلَامِي إِذَا أَرَدْتُ شَيْئًا فَإِنَّمَا أَقُولُ لَهُ كُنْ فَيَكُونُ
Abu Zarr (roziyallohu anhu)dan rivoyat qilinadi: Nabiy ﷺ: «Albatta, Alloh tabaraka va taolo aytadi: ‹Ey bandalarim, Men ofiyat berganlarimdan boshqa hammangiz gunohkorsizlar. Bas, Mendan magʻfirat soʻranglar, Men sizlarni magʻfirat qilaman. Sizlardan kim Meni magʻfiratga qodir ekanimni bilib, qudratim bilan Mendan magʻfirat soʻrasa, Men uni magʻfirat qilaman va parvo qilmayman. Men hidoyat qilganlarimdan boshqa hammangiz adashgansizlar. Bas, Mendan hidoyat soʻranglar, Men sizlarni hidoyat qilaman. Men boy qilganlarimdan boshqa hammangiz faqirsizlar. Bas, Mendan soʻranglar, Men sizlarga rizq beraman. Agar tirigingiz-u oʻligingiz, avvalingiz-u oxiringiz, hoʻlingiz-u qurugʻingiz bandalarim ichidagi eng taqvodor bandaning qalbi uzra jamlansalar, bu Mening mulkimga chivin qanotichalik ham qoʻshmaydi. Agar tirigingiz-u oʻligingiz, avvalingiz-u oxiringiz, hoʻlingiz-u qurugʻingiz jamlanib, ulardan har bir soʻrovchi orzusi yetgan narsani soʻrasa va Men har bir soʻrovchiga soʻraganini bersam, bu Mendan — biringiz dengiz labidan oʻtib, unga bir igna botirib, soʻng uni tortib olganchalik ham kamaytirmaydi. Bu shundayki, Men Saxovatli, Ulugʻvor, Boyman; xohlaganimni qilaman. Atoyim — soʻzim, azobim ham — soʻzim. Bir narsani iroda qilsam, unga: ‹Boʻl!› deyman, u boʻladi›», dedilar.Абу Зарр (розияллоҳу анҳу)дан ривоят қилинади: Набий ﷺ: «Албатта, Аллоҳ табарака ва таоло айтади: ‹Эй бандаларим, Мен офият берганларимдан бошқа ҳаммангиз гуноҳкорсизлар. Бас, Мендан мағфират сўранглар, Мен сизларни мағфират қиламан. Сизлардан ким Мени мағфиратга қодир эканимни билиб, қудратим билан Мендан мағфират сўраса, Мен уни мағфират қиламан ва парво қилмайман. Мен ҳидоят қилганларимдан бошқа ҳаммангиз адашгансизлар. Бас, Мендан ҳидоят сўранглар, Мен сизларни ҳидоят қиламан. Мен бой қилганларимдан бошқа ҳаммангиз фақирсизлар. Бас, Мендан сўранглар, Мен сизларга ризқ бераман. Агар тиригингиз-у ўлигингиз, аввалингиз-у охирингиз, ҳўлингиз-у қуруғингиз бандаларим ичидаги энг тақводор банданинг қалби узра жамлансалар, бу Менинг мулкимга чивин қанотичалик ҳам қўшмайди. Агар тиригингиз-у ўлигингиз, аввалингиз-у охирингиз, ҳўлингиз-у қуруғингиз жамланиб, улардан ҳар бир сўровчи орзуси етган нарсани сўраса ва Мен ҳар бир сўровчига сўраганини берсам, бу Мендан — бирингиз денгиз лабидан ўтиб, унга бир игна ботириб, сўнг уни тортиб олганчалик ҳам камайтирмайди. Бу шундайки, Мен Саховатли, Улуғвор, Бойман; хоҳлаганимни қиламан. Атойим — сўзим, азобим ҳам — сўзим. Бир нарсани ирода қилсам, унга: ‹Бўл!› дейман, у бўлади›», дедилар.