Zayd ibn Sobit (roziyallohu anhu) aytdi: Yamoma ahli qatl qilingan (kun)da Abu Bakr menga (odam) yubordi. Qarasam, Umar uning huzurida oʻtirgan ekan. Abu Bakr: «Ey Zayd ibn Sobit, sen yosh, aqlli yigitsan, biz seni (yolgʻonda) ayblamaymiz. Sen Rasululloh ﷺ uchun vahyni yozar eding. Bas, Qurʼonni izlab, uni jamla», dedi. Zayd dedi: Allohga qasamki, agar ular menga togʻlardan bir togʻni koʻchirishni topshirganlarida ham, u menga Qurʼonni jamlashni buyurganlaridan koʻra ogʻirroq boʻlmas edi. Men: «Rasululloh ﷺ qilmagan ishni qanday qilasizlar?» dedim. U: «Allohga qasamki, u — yaxshilikdir», dedi. Abu Bakr menga qayta-qayta murojaat qilaverdi, nihoyat Alloh Abu Bakr va Umar (roziyallohu anhumo)ning koʻksini nima bilan ochgan boʻlsa, mening koʻksimni ham oʻsha (narsa) bilan ochdi.Зайд ибн Собит (розияллоҳу анҳу) айтди: Ямома аҳли қатл қилинган (кун)да Абу Бакр менга (одам) юборди. Қарасам, Умар унинг ҳузурида ўтирган экан. Абу Бакр: «Эй Зайд ибн Собит, сен ёш, ақлли йигитсан, биз сени (ёлғонда) айбламаймиз. Сен Расулуллоҳ ﷺ учун ваҳйни ёзар эдинг. Бас, Қуръонни излаб, уни жамла», деди. Зайд деди: Аллоҳга қасамки, агар улар менга тоғлардан бир тоғни кўчиришни топширганларида ҳам, у менга Қуръонни жамлашни буюрганларидан кўра оғирроқ бўлмас эди. Мен: «Расулуллоҳ ﷺ қилмаган ишни қандай қиласизлар?» дедим. У: «Аллоҳга қасамки, у — яхшиликдир», деди. Абу Бакр менга қайта-қайта мурожаат қилаверди, ниҳоят Аллоҳ Абу Бакр ва Умар (розияллоҳу анҳумо)нинг кўксини нима билан очган бўлса, менинг кўксимни ҳам ўша (нарса) билан очди.