حَدَّثَنَا يَحْيَى بْنُ آدَمَ حَدَّثَنَا أَبُو بَكْرِ بْنُ عَيَّاشٍ عَنْ عَاصِمِ بْنِ أَبِي النَّجُودِ عَنْ شَقِيقِ بْنِ سَلَمَةَ عَنْ عَبْدِ اللَّهِ بْنِ مَسْعُودٍ ثَلَاثَةَ أَحَادِيثَ قَالَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ اقْتَطَعَ مَالَ امْرِئٍ مُسْلِمٍ بِغَيْرِ حَقٍّ لَقِيَ اللَّهَ عَزَّ وَجَلَّ وَهُوَ عَلَيْهِ غَضْبَانُ قَالَ فَجَاءَ الْأَشْعَثُ بْنُ قَيْسٍ فَقَالَ مَا يُحَدِّثُكُمْ أَبُو عَبْدِ الرَّحْمَنِ قَالَ فَحَدَّثْنَاهُ قَالَ فِيَّ كَانَ هَذَا الْحَدِيثُ خَاصَمْتُ ابْنَ عَمٍّ لِي إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فِي بِئْرٍ كَانَتْ لِي فِي يَدِهِ فَجَحَدَنِي فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ بَيِّنَتُكَ أَنَّهَا بِئْرُكَ وَإِلَّا فَيَمِينُهُ قَالَ قُلْتُ يَا رَسُولَ اللَّهِ مَا لِي بِيَمِينِهِ وَإِنْ تَجْعَلْهَا بِيَمِينِهِ تَذْهَبْ بِئْرِي إِنَّ خَصْمِي امْرُؤٌ فَاجِرٌ قَالَ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ اقْتَطَعَ مَالَ امْرِئٍ مُسْلِمٍ بِغَيْرِ حَقٍّ لَقِيَ اللَّهَ عَزَّ وَجَلَّ وَهُوَ عَلَيْهِ غَضْبَانُ قَالَ وَقَرَأَ رَسُولُ اللَّهِ صَلَّى اللَّهُ عَلَيْهِ وَسَلَّمَ {إِنَّ الَّذِينَ يَشْتَرُونَ بِعَهْدِ اللَّهِ} الْآيَةَ
Abdulloh ibn Masʼud (roziyallohu anhu)dan rivoyat qilinadi: Rasululloh ﷺ: «Kim bir musulmon kishining molini nohaq oʻzlashtirib olsa, Alloh azza va jallaga U Zot oʻziga gʻazabnok holda roʻbaroʻ boʻladi», dedilar. Shunda Ashʼas ibn Qays kelib: «Abu Abdurahmon sizlarga nima soʻzlab beryapti?» dedi. Biz unga soʻzlab berdik. U: «Bu hadis mening haqimda boʻlgan. Men amakivachcham bilan uning qoʻlida boʻlgan, oʻzimga tegishli bir quduq haqida Rasululloh ﷺ huzurlarida daʼvolashgan edim, u (haqimni) inkor qildi. Rasululloh ﷺ: ‹Bu quduq seniki ekaniga dalilingni (keltir), boʻlmasa uning qasami›, dedilar. Men: ‹Yo Rasululloh, uning qasamidan menga nima (foyda)? Agar (ishni) uning qasamiga qoʻysangiz, quduqim ketadi. Mening raqibim fojir kishidir›, dedim. Shunda Rasululloh ﷺ: ‹Kim bir musulmon kishining molini nohaq oʻzlashtirib olsa, Alloh azza va jallaga U Zot oʻziga gʻazabnok holda roʻbaroʻ boʻladi›, dedilar», dedi. Va Rasululloh ﷺ {Albatta, Allohga bergan ahdlarini… sotadiganlar} oyatini oʻqidilar.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ: «Ким бир мусулмон кишининг молини ноҳақ ўзлаштириб олса, Аллоҳ азза ва жаллага У Зот ўзига ғазабнок ҳолда рўбарў бўлади», дедилар. Шунда Ашъас ибн Қайс келиб: «Абу Абдураҳмон сизларга нима сўзлаб беряпти?» деди. Биз унга сўзлаб бердик. У: «Бу ҳадис менинг ҳақимда бўлган. Мен амакиваччам билан унинг қўлида бўлган, ўзимга тегишли бир қудуқ ҳақида Расулуллоҳ ﷺ ҳузурларида даъволашган эдим, у (ҳақимни) инкор қилди. Расулуллоҳ ﷺ: ‹Бу қудуқ сеники эканига далилингни (келтир), бўлмаса унинг қасами›, дедилар. Мен: ‹Ё Расулуллоҳ, унинг қасамидан менга нима (фойда)? Агар (ишни) унинг қасамига қўйсангиз, қудуқим кетади. Менинг рақибим фожир кишидир›, дедим. Шунда Расулуллоҳ ﷺ: ‹Ким бир мусулмон кишининг молини ноҳақ ўзлаштириб олса, Аллоҳ азза ва жаллага У Зот ўзига ғазабнок ҳолда рўбарў бўлади›, дедилар», деди. Ва Расулуллоҳ ﷺ {Албатта, Аллоҳга берган аҳдларини… сотадиганлар} оятини ўқидилар.