Abu Qatoda (roziyallohu anhu)dan rivoyat qilinadi: Bizdan bir kishi vafot etdi. Biz uning janozasini oʻqib berishlari uchun Nabiy ﷺ huzurlariga keldik. U zot: «U biror narsa qoldirdimi?» dedilar. Ular: «Yoʻq, Allohga qasamki, hech narsa qoldirmadi», dedilar. U zot: «Uning zimmasida qarz qoldimi?» dedilar. Ular: «Ha, oʻn sakkiz dirham», dedilar. U zot: «Uni toʻlash uchun biror narsa qoldirdimi?» dedilar. Ular: «Yoʻq, Allohga qasamki, buning uchun hech narsa qoldirmadi», dedilar. U zot: «Unga oʻzlaringiz janoza oʻqinglar», dedilar. Abu Qatoda: «Ey Allohning Rasuli, agar men uning qarzini toʻlasam, unga janoza oʻqiysizmi?» dedi. U zot: «Agar sen uning qarzini toʻliq toʻlasang, men unga janoza oʻqiyman», dedilar. Abu Qatoda borib, uning qarzini toʻladi. Soʻng u zot: «Uning zimmasidagini toʻliq toʻladingmi?» dedilar. U: «Ha», dedi. Shunda Rasululloh ﷺ uni chaqirtirib, unga janoza oʻqidilar.Абу Қатода (розияллоҳу анҳу)дан ривоят қилинади: Биздан бир киши вафот этди. Биз унинг жанозасини ўқиб беришлари учун Набий ﷺ ҳузурларига келдик. У зот: «У бирор нарса қолдирдими?» дедилар. Улар: «Йўқ, Аллоҳга қасамки, ҳеч нарса қолдирмади», дедилар. У зот: «Унинг зиммасида қарз қолдими?» дедилар. Улар: «Ҳа, ўн саккиз дирҳам», дедилар. У зот: «Уни тўлаш учун бирор нарса қолдирдими?» дедилар. Улар: «Йўқ, Аллоҳга қасамки, бунинг учун ҳеч нарса қолдирмади», дедилар. У зот: «Унга ўзларингиз жаноза ўқинглар», дедилар. Абу Қатода: «Эй Аллоҳнинг Расули, агар мен унинг қарзини тўласам, унга жаноза ўқийсизми?» деди. У зот: «Агар сен унинг қарзини тўлиқ тўласанг, мен унга жаноза ўқийман», дедилар. Абу Қатода бориб, унинг қарзини тўлади. Сўнг у зот: «Унинг зиммасидагини тўлиқ тўладингми?» дедилар. У: «Ҳа», деди. Шунда Расулуллоҳ ﷺ уни чақиртириб, унга жаноза ўқидилар.