Uboda ibn Somit (roziyallohu anhu) aytdi: Men Rasululloh ﷺ ning holidan xabar olgani kirdim, u zotda Alloh taboraka va taolo biladigan qattiq ogʻriq bor edi. Soʻng kechqurun huzurlariga kirsam, u zot juda yaxshi tuzalib qolibdilar. Men u zotga: «Ertalab huzuringizga kirganimda sizda Alloh biladigan qattiq ogʻriq bor edi, kechqurun kirsam, tuzalib qolibsiz», dedim. U zot: «Ey Ibn Somit, Jibril alayhissalom menga bir duo oʻqidi, men shu bilan tuzaldim. Uni senga oʻrgataymi?» dedilar. Men: «Albatta», dedim. U zot: «Alloh nomi bilan senga ozor beradigan har bir narsadan, har bir hasadchining hasadidan va koʻzdan senga oʻqiyman; Alloh nomi bilan (soʻrayman), U senga shifo bersin», dedilar.Убода ибн Сомит (розияллоҳу анҳу) айтди: Мен Расулуллоҳ ﷺ нинг ҳолидан хабар олгани кирдим, у зотда Аллоҳ таборака ва таоло биладиган қаттиқ оғриқ бор эди. Сўнг кечқурун ҳузурларига кирсам, у зот жуда яхши тузалиб қолибдилар. Мен у зотга: «Эрталаб ҳузурингизга кирганимда сизда Аллоҳ биладиган қаттиқ оғриқ бор эди, кечқурун кирсам, тузалиб қолибсиз», дедим. У зот: «Эй Ибн Сомит, Жибрил алайҳиссалом менга бир дуо ўқиди, мен шу билан тузалдим. Уни сенга ўргатайми?» дедилар. Мен: «Албатта», дедим. У зот: «Аллоҳ номи билан сенга озор берадиган ҳар бир нарсадан, ҳар бир ҳасадчининг ҳасадидан ва кўздан сенга ўқийман; Аллоҳ номи билан (сўрайман), У сенга шифо берсин», дедилар.