Abul-Baxtariydan rivoyat qilinadiki, Salmon Fors qasrlaridan bir qasrni qamal qildi va sheriklariga: «Meni qoʻyinglar, Rasululloh ﷺ qilganlarini koʻrgan ishimni qilay», dedi. Soʻng Allohga hamd va sano aytdi, keyin shunday dedi: «Men sizlardan bir kishiman, Alloh menga Islomni roʻziy qildi, arablarning menga itoat qilishini koʻrib turibsizlar. Agar islom qabul qilsangiz va bizga hijrat qilsangiz, bizning maqomimizdasiz: bizga joriy boʻlgan narsa sizlarga ham joriy boʻladi. Agar islom qabul qilib, oʻz yurtlaringizda qolsangiz, aʼrobiylar maqomidasiz: ularga joriy boʻlgan narsa sizlarga ham joriy boʻladi, ularning zimmasidagi narsa sizlarning zimmangizda ham boʻladi. Agar bosh tortib, jizyaga iqror boʻlsangiz, sizlarga jizya ahliga tegishli narsa boʻladi va sizlarning zimmangizda jizya ahlining zimmasidagi narsa boʻladi». Buni ularga uch kun taklif qildi, soʻng sheriklariga: «Ularga tashlaninglar», dedi va uni fath etdi.Абул-Бахтарийдан ривоят қилинадики, Салмон Форс қасрларидан бир қасрни қамал қилди ва шерикларига: «Мени қўйинглар, Расулуллоҳ ﷺ қилганларини кўрган ишимни қилай», деди. Сўнг Аллоҳга ҳамд ва сано айтди, кейин шундай деди: «Мен сизлардан бир кишиман, Аллоҳ менга Исломни рўзий қилди, арабларнинг менга итоат қилишини кўриб турибсизлар. Агар ислом қабул қилсангиз ва бизга ҳижрат қилсангиз, бизнинг мақомимиздасиз: бизга жорий бўлган нарса сизларга ҳам жорий бўлади. Агар ислом қабул қилиб, ўз юртларингизда қолсангиз, аъробийлар мақомидасиз: уларга жорий бўлган нарса сизларга ҳам жорий бўлади, уларнинг зиммасидаги нарса сизларнинг зиммангизда ҳам бўлади. Агар бош тортиб, жизяга иқрор бўлсангиз, сизларга жизя аҳлига тегишли нарса бўлади ва сизларнинг зиммангизда жизя аҳлининг зиммасидаги нарса бўлади». Буни уларга уч кун таклиф қилди, сўнг шерикларига: «Уларга ташланинглар», деди ва уни фатҳ этди.