حَدَّثَنَا أَبُو سَعِيدٍ مَوْلَى بَنِي هَاشِمٍ حَدَّثَنَا سُلَيْمَانُ بْنُ بِلَالٍ حَدَّثَنَا عَمْرُو بْنُ أَبِي عَمْرٍو عَنْ عَبْدِ الْوَاحِدِ بْنِ مُحَمَّدِ بْنِ عَبْدِ الرَّحْمَنِ بْنِ عَوْفٍ عَنْ عَبْدِ الرَّحْمَنِ بْنِ عَوْفٍ قَالَخَرَجَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَتَوَجَّهَ نَحْوَ صَدَقَتِهِ فَدَخَلَ فَاسْتَقْبَلَ الْقِبْلَةَ فَخَرَّ سَاجِدًا فَأَطَالَ السُّجُودَ حَتَّى ظَنَنْتُ أَنَّ اللَّهَ عَزَّ وَجَلَّ قَدْ قَبَضَ نَفْسَهُ فِيهَا فَدَنَوْتُ مِنْهُ فَجَلَسْتُ فَرَفَعَ رَأْسَهُ فَقَالَ مَنْ هَذَا قُلْتُ عَبْدُ الرَّحْمَنِ قَالَ مَا شَأْنُكَ قُلْتُ يَا رَسُولَ اللَّهِ سَجَدْتَ سَجْدَةً خَشِيتُ أَنْ يَكُونَ اللَّهُ عَزَّ وَجَلَّ قَدْ قَبَضَ نَفْسَكَ فِيهَا فَقَالَ إِنَّ جِبْرِيلَ عَلَيْهِ السَّلَام أَتَانِي فَبَشَّرَنِي فَقَالَ إِنَّ اللَّهَ عَزَّ وَجَلَّ يَقُولُ مَنْ صَلَّى عَلَيْكَ صَلَّيْتُ عَلَيْهِ وَمَنْ سَلَّمَ عَلَيْكَ سَلَّمْتُ عَلَيْهِ فَسَجَدْتُ لِلَّهِ عَزَّ وَجَلَّ شُكْرًا
Abdurrahmon ibn Avf (roziyallohu anhu) aytdi: Rasululloh ﷺ (uydan) chiqib, sadaqa (qilgan yerlari) tomon yoʻl oldilar. Kirib, qiblaga yuzlandilar-da, sajdaga yiqildilar va sajdani shu qadar choʻzdilarki, men Alloh azza va jalla shu (sajda)da u zotning jonlarini olgan boʻlsa kerak, deb oʻyladim. Men u zotga yaqinlashib oʻtirdim. U zot boshlarini koʻtarib: «Bu kim?» dedilar. Men: «Abdurrahmon», dedim. U zot: «Senga nima boʻldi?» dedilar. Men: «Ey Allohning Rasuli, shunday sajda qildingizki, Alloh azza va jalla unda jonlaringizni olgan boʻlmasin, deb qoʻrqdim», dedim. U zot: «Albatta, Jibril alayhissalom huzurimga kelib, meni suyunchiladi va: ‹Alloh azza va jalla aytadi: kim senga salavot aytsa, Men unga salavot aytaman; kim senga salom aytsa, Men unga salom aytaman›, dedi. Shunda men Alloh azza va jallaga shukr sajdasini qildim», dedilar.Абдурраҳмон ибн Авф (розияллоҳу анҳу) айтди: Расулуллоҳ ﷺ (уйдан) чиқиб, садақа (қилган ерлари) томон йўл олдилар. Кириб, қиблага юзландилар-да, саждага йиқилдилар ва саждани шу қадар чўздиларки, мен Аллоҳ азза ва жалла шу (сажда)да у зотнинг жонларини олган бўлса керак, деб ўйладим. Мен у зотга яқинлашиб ўтирдим. У зот бошларини кўтариб: «Бу ким?» дедилар. Мен: «Абдурраҳмон», дедим. У зот: «Сенга нима бўлди?» дедилар. Мен: «Эй Аллоҳнинг Расули, шундай сажда қилдингизки, Аллоҳ азза ва жалла унда жонларингизни олган бўлмасин, деб қўрқдим», дедим. У зот: «Албатта, Жибрил алайҳиссалом ҳузуримга келиб, мени суюнчилади ва: ‹Аллоҳ азза ва жалла айтади: ким сенга салавот айтса, Мен унга салавот айтаман; ким сенга салом айтса, Мен унга салом айтаман›, деди. Шунда мен Аллоҳ азза ва жаллага шукр саждасини қилдим», дедилар.