Avf ibn Molik al-Ashjaiy (roziyallohu anhu)dan rivoyat qilinadi: Men Nabiy ﷺ huzurlariga keldim, u zot oʻz chodirlarida edilar. Men: «Kiraymi?» dedim. U zot: «Kir», dedilar. Men: «Butunlaymi?» dedim. U zot: «Butunlay», dedilar. Oʻtirganimda u zot: «Qiyomat oldidan boʻladigan oltitasini yodda tut: ularning birinchisi — Nabiyingizning vafoti», dedilar. Men yigʻladim. Hushaym: «Qaysi birini oldin aytganini bilmayman», dedi. «Soʻng Baytul Maqdisning fath etilishi; har bir jun va loy uydan kiradigan fitna; sizlarning oralaringizda mol-dunyoning toshib ketishi, hatto kishiga yuz dinor berilsa ham, undan norozi boʻladi; odamlar orasida qoʻylarning oʻlati kabi boʻladigan oʻlat; va sizlar bilan Bani Asfar oʻrtasida boʻladigan sulh — soʻng ular sizlarga xiyonat qiladilar va sakson gʻoya bilan sizlar tomon yuradilar». Yaʼlo esa: «oltmish gʻoya bilan», dedi. «Har bir gʻoya ostida oʻn ikki ming (kishi) boʻladi».Авф ибн Молик ал-Ашжаий (розияллоҳу анҳу)дан ривоят қилинади: Мен Набий ﷺ ҳузурларига келдим, у зот ўз чодирларида эдилар. Мен: «Кирайми?» дедим. У зот: «Кир», дедилар. Мен: «Бутунлайми?» дедим. У зот: «Бутунлай», дедилар. Ўтирганимда у зот: «Қиёмат олдидан бўладиган олтитасини ёдда тут: уларнинг биринчиси — Набийингизнинг вафоти», дедилар. Мен йиғладим. Ҳушайм: «Қайси бирини олдин айтганини билмайман», деди. «Сўнг Байтул Мақдиснинг фатҳ этилиши; ҳар бир жун ва лой уйдан кирадиган фитна; сизларнинг ораларингизда мол-дунёнинг тошиб кетиши, ҳатто кишига юз динор берилса ҳам, ундан норози бўлади; одамлар орасида қўйларнинг ўлати каби бўладиган ўлат; ва сизлар билан Бани Асфар ўртасида бўладиган сулҳ — сўнг улар сизларга хиёнат қиладилар ва саксон ғоя билан сизлар томон юрадилар». Яъло эса: «олтмиш ғоя билан», деди. «Ҳар бир ғоя остида ўн икки минг (киши) бўлади».