Saʼd ibn Hishom moʻminlar onasi Oisha (roziyallohu anho)ning huzuriga kirib, undan Rasululloh ﷺning namozlari haqida soʻradi. U: «U zot kechasi sakkiz rakaat oʻqib, toʻqqizinchisi bilan vitr qilar, soʻng oʻtirgan holda ikki rakaat oʻqir edilar», dedi. U tahoratni ham zikr qilib, u zot namozga turganlarida tahorat suvlari va misvoklariga buyurishlarini (aytdi). Rasululloh ﷺning badanlari ogʻirlashganda esa olti rakaat oʻqib, yettinchisi bilan vitr qilar, soʻng oʻtirgan holda ikki rakaat oʻqir edilar. U: «U zot vafot etgunlariga qadar shu (holatda) davom etdilar», dedi. Men: «Men sizdan tabattul (turmush qurmaslik) haqida soʻramoqchi edim, bu haqda nima deysiz?» dedim. U: «Bunday qilma! Alloh azza va jalla: {Batahqiq, Biz sendan oldin ham paygʻambarlar yubordik va ularga xotinlar hamda zurriyot ato etdik} deganini eshitmadingmi? Bas, tabattul qilma», dedi. Soʻng u fiqhni (ilmni) egallagan holda chiqdi va Basraga keldi. Koʻp oʻtmay Makron yeriga chiqib ketdi va oʻsha yerda eng afzal ameli ustida qatl qilindi.Саъд ибн Ҳишом мўминлар онаси Оиша (розияллоҳу анҳо)нинг ҳузурига кириб, ундан Расулуллоҳ ﷺнинг намозлари ҳақида сўради. У: «У зот кечаси саккиз ракаат ўқиб, тўққизинчиси билан витр қилар, сўнг ўтирган ҳолда икки ракаат ўқир эдилар», деди. У таҳоратни ҳам зикр қилиб, у зот намозга турганларида таҳорат сувлари ва мисвокларига буюришларини (айтди). Расулуллоҳ ﷺнинг баданлари оғирлашганда эса олти ракаат ўқиб, еттинчиси билан витр қилар, сўнг ўтирган ҳолда икки ракаат ўқир эдилар. У: «У зот вафот этгунларига қадар шу (ҳолатда) давом этдилар», деди. Мен: «Мен сиздан табаттул (турмуш қурмаслик) ҳақида сўрамоқчи эдим, бу ҳақда нима дейсиз?» дедим. У: «Бундай қилма! Аллоҳ азза ва жалла: {Батаҳқиқ, Биз сендан олдин ҳам пайғамбарлар юбордик ва уларга хотинлар ҳамда зурриёт ато этдик} деганини эшитмадингми? Бас, табаттул қилма», деди. Сўнг у фиқҳни (илмни) эгаллаган ҳолда чиқди ва Басрага келди. Кўп ўтмай Макрон ерига чиқиб кетди ва ўша ерда энг афзал амели устида қатл қилинди.