Oisha (roziyallohu anho)dan rivoyat qilinadi: Barira uning huzuriga keldi, u mukotaba (ozodlik shartnomasi tuzgan choʻri) edi; egalari uni toʻqqiz uqiyaga shartnoma qilgan edilar. (Oisha) unga: «Agar egalaring xohlasa, men ularga (pulni) bir yoʻla sanab beraman, val (voris boʻlish huquqi) esa menga tegishli boʻladi», dedi. (Barira) egalariga borib, buni ularga aytdi. Ammo ular valni oʻzlariga shart qilib qoʻyishdan boshqasiga koʻnmadilar. Oisha buni Nabiy ﷺga aytdi. Shunda u zot: «Qilaver», dedilar. Bas, u shunday qildi. Soʻng Nabiy ﷺ oʻrinlaridan turib, odamlarga xutba oʻqidilar, Allohga hamd va sano aytib: «Baʼzi kishilarga nima boʻldiki, Alloh Kitobida boʻlmagan shartlarni shart qilib qoʻyadilar? Alloh Kitobida boʻlmagan har qanday shart botildir. Alloh Kitobi haqroq va Allohning sharti mustahkamroqdir. Val esa ozod qilgan kishiniki boʻladi», dedilar.Оиша (розияллоҳу анҳо)дан ривоят қилинади: Барира унинг ҳузурига келди, у мукотаба (озодлик шартномаси тузган чўри) эди; эгалари уни тўққиз уқияга шартнома қилган эдилар. (Оиша) унга: «Агар эгаларинг хоҳласа, мен уларга (пулни) бир йўла санаб бераман, вал (ворис бўлиш ҳуқуқи) эса менга тегишли бўлади», деди. (Барира) эгаларига бориб, буни уларга айтди. Аммо улар вални ўзларига шарт қилиб қўйишдан бошқасига кўнмадилар. Оиша буни Набий ﷺга айтди. Шунда у зот: «Қилавер», дедилар. Бас, у шундай қилди. Сўнг Набий ﷺ ўринларидан туриб, одамларга хутба ўқидилар, Аллоҳга ҳамд ва сано айтиб: «Баъзи кишиларга нима бўлдики, Аллоҳ Китобида бўлмаган шартларни шарт қилиб қўядилар? Аллоҳ Китобида бўлмаган ҳар қандай шарт ботилдир. Аллоҳ Китоби ҳақроқ ва Аллоҳнинг шарти мустаҳкамроқдир. Вал эса озод қилган кишиники бўлади», дедилар.