Shahr ibn Havshab aytadi: Men Ummu Salamaga: «Ey moʻminlarning onasi, Rasululloh ﷺ sizning huzuringizda boʻlganlarida eng koʻp aytadigan duolari nima edi?» dedim. U: «Eng koʻp aytadigan duolari: ‹Yaa muqollibal-qulub, sabbit qolbiy alaa diynik› (Ey qalblarni oʻzgartiruvchi Zot, qalbimni dining ustida sobit qil) edi», dedi. U aytdi: Men u zotga: «Ey Allohning Rasuli, nega ‹Yaa muqollibal-qulub, sabbit qolbiy alaa diynik› deb koʻp duo qilasiz?» dedim. U zot: «Ey Ummu Salama, hech bir odam yoʻqki, uning qalbi Alloh azza va jallaning barmoqlaridan ikki barmogʻi orasida boʻlmasin. Bas, U xohlaganini (toʻgʻri) tutib turadi, xohlaganini ogʻdirib yuboradi», dedilar. Abdulloh aytdi: Men otamdan Abu Kaʼb haqida soʻradim, u: «Ishonchli; ismi Abdu Robbihi ibn Ubayd», dedi.Шаҳр ибн Ҳавшаб айтади: Мен Умму Саламага: «Эй мўминларнинг онаси, Расулуллоҳ ﷺ сизнинг ҳузурингизда бўлганларида энг кўп айтадиган дуолари нима эди?» дедим. У: «Энг кўп айтадиган дуолари: ‹Яа муқоллибал-қулуб, саббит қолбий алаа дийник› (Эй қалбларни ўзгартирувчи Зот, қалбимни дининг устида собит қил) эди», деди. У айтди: Мен у зотга: «Эй Аллоҳнинг Расули, нега ‹Яа муқоллибал-қулуб, саббит қолбий алаа дийник› деб кўп дуо қиласиз?» дедим. У зот: «Эй Умму Салама, ҳеч бир одам йўқки, унинг қалби Аллоҳ азза ва жалланинг бармоқларидан икки бармоғи орасида бўлмасин. Бас, У хоҳлаганини (тўғри) тутиб туради, хоҳлаганини оғдириб юборади», дедилар. Абдуллоҳ айтди: Мен отамдан Абу Каъб ҳақида сўрадим, у: «Ишончли; исми Абду Роббиҳи ибн Убайд», деди.