Anas (roziyallohu anhu)dan rivoyat qilinadiki, uning ammasi Rubayyiʼ binti Nazr bir joriyaning oldingi tishini sindirdi. (Joriyaning ahli) afv (kechirim)ni talab qildi, lekin ular bosh tortdi; ular arsh (tovon)ni taklif qildi, lekin (narigi tomon) bosh tortdi; ular Rasululloh ﷺ ning oldiga keldi va qasosdan boshqaga koʻnmadi. Rasululloh ﷺ qasosni buyurdilar. Shunda Anas ibn Nazr: «Ey Allohning Rasuli, Rubayyiʼning tishi sindiriladimi?! Yoʻq, seni haq bilan yuborgan Zotga qasamki, uning tishi sindirilmaydi!» dedi. Rasululloh ﷺ: «Ey Anas, Allohning Kitobi (hukmi) — qasosdir», dedilar. Soʻng qavm rozi boʻlib, afv qildi. Rasululloh ﷺ: «Albatta Allohning bandalari ichida shunday (kishi)lar borki, agar ular Alloh (nomi) bilan qasam ichsa, U albatta ularning qasamini rost (haqiqatga) chiqaradi», dedilar.Анас (розияллоҳу анҳу)дан ривоят қилинадики, унинг аммаси Рубаййиъ бинти Назр бир жориянинг олдинги тишини синдирди. (Жориянинг аҳли) афв (кечирим)ни талаб қилди, лекин улар бош тортди; улар арш (товон)ни таклиф қилди, лекин (нариги томон) бош тортди; улар Расулуллоҳ ﷺ нинг олдига келди ва қасосдан бошқага кўнмади. Расулуллоҳ ﷺ қасосни буюрдилар. Шунда Анас ибн Назр: «Эй Аллоҳнинг Расули, Рубаййиънинг тиши синдириладими?! Йўқ, сени ҳақ билан юборган Зотга қасамки, унинг тиши синдирилмайди!» деди. Расулуллоҳ ﷺ: «Эй Анас, Аллоҳнинг Китоби (ҳукми) — қасосдир», дедилар. Сўнг қавм рози бўлиб, афв қилди. Расулуллоҳ ﷺ: «Албатта Аллоҳнинг бандалари ичида шундай (киши)лар борки, агар улар Аллоҳ (номи) билан қасам ичса, У албатта уларнинг қасамини рост (ҳақиқатга) чиқаради», дедилар.