Sayyor ibn Salama (Abu Barzadan) rivoyat qiladi: Men otam bilan Abu Barza al-Aslamiyning oldiga — namozlarning belgilangan vaqtlari haqida soʻrash uchun — bordik. U: «Paygʻambar ﷺ peshin namozini quyosh peshin mahalida eng baland (joyidan) endigina ogʻgan paytda oʻqir edilar; asrni esa kishi (namozdan keyin) Madinaning eng chekka joyiga borsa, quyosh hali issiq (yorugʻ) boʻlgan paytda (oʻqir edilar). (Roviy: Abu Barza shom namozi haqida aytganni unutdim, dedi.) Paygʻambar ﷺ xufton namozini kechaning birinchi uchdan birigacha kechiktirishda biror zarar koʻrmas, undan oldin uxlashni va undan keyin gaplashishni esa yoqtirmas edilar. Bomdod namozini esa — tugatgach, kishi yonida oʻtirganni taniy oladigan paytda — oʻqir va bir yoki ikki rakatda 60 dan 100 gacha oyat oʻqir edilar», — dedi.Сайёр ибн Салама (Абу Барзадан) ривоят қилади: Мен отам билан Абу Барза ал-Асламийнинг олдига — намозларнинг белгиланган вақтлари ҳақида сўраш учун — бордик. У: «Пайғамбар ﷺ пешин намозини қуёш пешин маҳалида энг баланд (жойидан) эндигина оғган пайтда ўқир эдилар; асрни эса киши (намоздан кейин) Мадинанинг энг чекка жойига борса, қуёш ҳали иссиқ (ёруғ) бўлган пайтда (ўқир эдилар). (Ровий: Абу Барза шом намози ҳақида айтганни унутдим, деди.) Пайғамбар ﷺ хуфтон намозини кечанинг биринчи учдан биригача кечиктиришда бирор зарар кўрмас, ундан олдин ухлашни ва ундан кейин гаплашишни эса ёқтирмас эдилар. Бомдод намозини эса — тугатгач, киши ёнида ўтирганни таний оладиган пайтда — ўқир ва бир ёки икки ракатда 60 дан 100 гача оят ўқир эдилар», — деди.