حَدَّثَنَا مُوسَى، قَالَ حَدَّثَنَا هَمَّامٌ، عَنْ يَحْيَى، عَنْ أَبِي سَلَمَةَ، قَالَ انْطَلَقْتُ إِلَى أَبِي سَعِيدٍ الْخُدْرِيِّ فَقُلْتُ أَلاَ تَخْرُجُ بِنَا إِلَى النَّخْلِ نَتَحَدَّثْ فَخَرَجَ. فَقَالَ قُلْتُ حَدِّثْنِي مَا، سَمِعْتَ مِنَ النَّبِيِّ، صلى الله عليه وسلم فِي لَيْلَةِ الْقَدْرِ. قَالَ اعْتَكَفَ رَسُولُ اللَّهِ صلى الله عليه وسلم عَشْرَ الأُوَلِ مِنْ رَمَضَانَ، وَاعْتَكَفْنَا مَعَهُ، فَأَتَاهُ جِبْرِيلُ فَقَالَ إِنَّ الَّذِي تَطْلُبُ أَمَامَكَ. فَاعْتَكَفَ الْعَشْرَ الأَوْسَطَ، فَاعْتَكَفْنَا مَعَهُ، فَأَتَاهُ جِبْرِيلُ فَقَالَ إِنَّ الَّذِي تَطْلُبُ أَمَامَكَ. فَقَامَ النَّبِيُّ صلى الله عليه وسلم خَطِيبًا صَبِيحَةَ عِشْرِينَ مِنْ رَمَضَانَ فَقَالَ " مَنْ كَانَ اعْتَكَفَ مَعَ النَّبِيِّ صلى الله عليه وسلم فَلْيَرْجِعْ، فَإِنِّي أُرِيتُ لَيْلَةَ الْقَدْرِ، وَإِنِّي نُسِّيتُهَا، وَإِنَّهَا فِي الْعَشْرِ الأَوَاخِرِ فِي وِتْرٍ، وَإِنِّي رَأَيْتُ كَأَنِّي أَسْجُدُ فِي طِينٍ وَمَاءٍ ". وَكَانَ سَقْفُ الْمَسْجِدِ جَرِيدَ النَّخْلِ وَمَا نَرَى فِي السَّمَاءِ شَيْئًا، فَجَاءَتْ قَزْعَةٌ فَأُمْطِرْنَا، فَصَلَّى بِنَا النَّبِيُّ صلى الله عليه وسلم حَتَّى رَأَيْتُ أَثَرَ الطِّينِ وَالْمَاءِ عَلَى جَبْهَةِ رَسُولِ اللَّهِ صلى الله عليه وسلم وَأَرْنَبَتِهِ تَصْدِيقَ رُؤْيَاهُ.
Abu Salama (Abu Saiddan) rivoyat qiladi: Bir kuni men Abu Said al-Xudriyning oldiga borib: «Xurmozorga borib, suhbatlashmaymizmi?» — dedim. Bas, Abu Said chiqdi va men undan: «Paygʻambar ﷺ dan Qadr kechasi haqida nima eshitgan boʻlsang, menga ayt», — dedim. Abu Said: «Bir kuni Rasululloh ﷺ Ramazon oyining birinchi oʻn kunida iʼtikof qildilar, biz ham u zot bilan shunday qildik. Jabroil u zotga kelib: ‹Sen izlayotgan kecha oldingda (hali kelmadi)›, — dedi. Bas, Paygʻambar ﷺ Ramazon oyining oʻrtadagi (ikkinchi) oʻn kunida iʼtikof qildilar, biz ham u zot bilan iʼtikof qildik. Jabroil u zotga kelib: ‹Sen izlayotgan kecha oldingda (hali kelmadi)›, — dedi. Ramazonning yigirmanchi (kuni) ertalabida Paygʻambar ﷺ xutba qilib: ‹Kim men bilan iʼtikof qilgan boʻlsa, davom ettirsin. Menga Qadr kechasi koʻrsatildi, lekin men uning (aniq) kunini unutdim; u soʻnggi oʻn kechaning toq kechalarida(dir). Tushimda oʻzimni loy va suvda sajda qilayotgan holda koʻrdim›, — dedilar. Oʻsha kunlarda masjidning tomi xurmo shoxlaridan (qilingan) edi. Oʻsha paytda osmon ochiq, hech bulut koʻrinmas edi; lekin toʻsatdan bir bulut kelib, yomgʻir yogʻdi. Paygʻambar ﷺ bizga imomlik qildilar va men Rasululloh ﷺ ning peshanasi va burni ustida loy izini koʻrdim. Bas, bu — oʻsha tushning tasdigʻi edi», — dedi.Абу Салама (Абу Саиддан) ривоят қилади: Бир куни мен Абу Саид ал-Худрийнинг олдига бориб: «Хурмозорга бориб, суҳбатлашмаймизми?» — дедим. Бас, Абу Саид чиқди ва мен ундан: «Пайғамбар ﷺ дан Қадр кечаси ҳақида нима эшитган бўлсанг, менга айт», — дедим. Абу Саид: «Бир куни Расулуллоҳ ﷺ Рамазон ойининг биринчи ўн кунида иътикоф қилдилар, биз ҳам у зот билан шундай қилдик. Жаброил у зотга келиб: ‹Сен излаётган кеча олдингда (ҳали келмади)›, — деди. Бас, Пайғамбар ﷺ Рамазон ойининг ўртадаги (иккинчи) ўн кунида иътикоф қилдилар, биз ҳам у зот билан иътикоф қилдик. Жаброил у зотга келиб: ‹Сен излаётган кеча олдингда (ҳали келмади)›, — деди. Рамазоннинг йигирманчи (куни) эрталабида Пайғамбар ﷺ хутба қилиб: ‹Ким мен билан иътикоф қилган бўлса, давом эттирсин. Менга Қадр кечаси кўрсатилди, лекин мен унинг (аниқ) кунини унутдим; у сўнгги ўн кечанинг тоқ кечаларида(дир). Тушимда ўзимни лой ва сувда сажда қилаётган ҳолда кўрдим›, — дедилар. Ўша кунларда масжиднинг томи хурмо шохларидан (қилинган) эди. Ўша пайтда осмон очиқ, ҳеч булут кўринмас эди; лекин тўсатдан бир булут келиб, ёмғир ёғди. Пайғамбар ﷺ бизга имомлик қилдилар ва мен Расулуллоҳ ﷺ нинг пешанаси ва бурни устида лой изини кўрдим. Бас, бу — ўша тушнинг тасдиғи эди», — деди.