Abdulloh ibn Umar (roziyallohu anhumo)dan rivoyat qilinadi: Umar ibn al-Xattob masjid darvozasi oldida (sotilayotgan) bir ipak toʻnni koʻrdi va Rasululloh ﷺ ga: «Koshki, shuni sotib olsangiz — juma kunlarida va vakillar (delegatsiyalar) kelganda kiysangiz», — dedi. Rasululloh ﷺ: «Buni (faqat) oxiratda (hech) nasibasi yoʻq kishi kiyadi», — dedilar. Keyin Rasululloh ﷺ ga shunga oʻxshash toʻnlar (sovgʻa) keltirildi va u zot ulardan birini Umar ibn al-Xattobga berdilar. Shunda Umar: «Yo Rasululloh, siz menga bu toʻnni berdingiz — holbuki Atorid (masjid darvozasi oldida ipak toʻnni sotayotgan savdogar)ning toʻni haqida falon-falon gapni aytgan edingiz-ku», — dedi. Rasululloh ﷺ: «Men buni senga kiyishing uchun bermadim», — dedilar. Bas, Umar ibn al-Xattob uni Makkadagi mushrik (kofir) ukasiga kiyishga berdi.Абдуллоҳ ибн Умар (розияллоҳу анҳумо)дан ривоят қилинади: Умар ибн ал-Хаттоб масжид дарвозаси олдида (сотилаётган) бир ипак тўнни кўрди ва Расулуллоҳ ﷺ га: «Кошки, шуни сотиб олсангиз — жума кунларида ва вакиллар (делегациялар) келганда кийсангиз», — деди. Расулуллоҳ ﷺ: «Буни (фақат) охиратда (ҳеч) насибаси йўқ киши кияди», — дедилар. Кейин Расулуллоҳ ﷺ га шунга ўхшаш тўнлар (совға) келтирилди ва у зот улардан бирини Умар ибн ал-Хаттобга бердилар. Шунда Умар: «Ё Расулуллоҳ, сиз менга бу тўнни бердингиз — ҳолбуки Аторид (масжид дарвозаси олдида ипак тўнни сотаётган савдогар)нинг тўни ҳақида фалон-фалон гапни айтган эдингиз-ку», — деди. Расулуллоҳ ﷺ: «Мен буни сенга кийишинг учун бермадим», — дедилар. Бас, Умар ибн ал-Хаттоб уни Маккадаги мушрик (кофир) укасига кийишга берди.