Mujohid (Ibn Umardan) rivoyat qiladi: Bir kishi Ibn Umarning uyiga kelib, unga — Rasululloh ﷺ Kaʼbaga kirdilar, deb — aytdi. Ibn Umar dedi: «Men Kaʼbaning oldiga bordim va Rasululloh ﷺ Kaʼbadan chiqqanlarini koʻrdim hamda Bilolni Kaʼba eshigi yonida turgan holda koʻrdim. Men: ‹Ey Bilol, Allohning Paygʻambari ﷺ Kaʼba ichida namoz oʻqidilarmi?› — dedim. Bilol: ‹Ha›, — dedi. Men: ‹Qayerda (oʻqidilar)?› — dedim. U: ‹(U zot) mana shu ikki ustun orasida (oʻqidilar), soʻng chiqib, Kaʼbaning oldida ikki rakat namoz oʻqidilar›, — dedi». Abu Abdulloh (Buxoriy) dedi: Abu Hurayra: «Paygʻambar ﷺ menga ikki rakat Zuho (choshgoh) namozini oʻqishni tavsiya qildilar», — dedi. Itbon (ibn Molik): «Rasululloh ﷺ va Abu Bakr quyosh chiqqandan keyin mening oldimga keldilar va biz Paygʻambar ﷺ orqasida saflanib, ikki rakat oʻqidik», — dedi.Мужоҳид (Ибн Умардан) ривоят қилади: Бир киши Ибн Умарнинг уйига келиб, унга — Расулуллоҳ ﷺ Каъбага кирдилар, деб — айтди. Ибн Умар деди: «Мен Каъбанинг олдига бордим ва Расулуллоҳ ﷺ Каъбадан чиққанларини кўрдим ҳамда Билолни Каъба эшиги ёнида турган ҳолда кўрдим. Мен: ‹Эй Билол, Аллоҳнинг Пайғамбари ﷺ Каъба ичида намоз ўқидиларми?› — дедим. Билол: ‹Ҳа›, — деди. Мен: ‹Қаерда (ўқидилар)?› — дедим. У: ‹(У зот) мана шу икки устун орасида (ўқидилар), сўнг чиқиб, Каъбанинг олдида икки ракат намоз ўқидилар›, — деди». Абу Абдуллоҳ (Бухорий) деди: Абу Ҳурайра: «Пайғамбар ﷺ менга икки ракат Зуҳо (чошгоҳ) намозини ўқишни тавсия қилдилар», — деди. Итбон (ибн Молик): «Расулуллоҳ ﷺ ва Абу Бакр қуёш чиққандан кейин менинг олдимга келдилар ва биз Пайғамбар ﷺ орқасида сафланиб, икки ракат ўқидик», — деди.