وَقَالَ اللَّيْثُ حَدَّثَنِي جَعْفَرٌ، عَنْ عَبْدِ الرَّحْمَنِ بْنِ هُرْمُزَ، قَالَ قَالَ أَبُو هُرَيْرَةَ ـ رضى الله عنه ـ قَالَ رَسُولُ اللَّهِ صلى الله عليه وسلم " نَادَتِ امْرَأَةٌ ابْنَهَا، وَهْوَ فِي صَوْمَعَةٍ قَالَتْ يَا جُرَيْجُ. قَالَ اللَّهُمَّ أُمِّي وَصَلاَتِي. قَالَتْ يَا جُرَيْجُ. قَالَ اللَّهُمَّ أُمِّي وَصَلاَتِي. قَالَتْ يَا جُرَيْجُ. قَالَ اللَّهُمَّ أُمِّي وَصَلاَتِي. قَالَتِ اللَّهُمَّ لاَ يَمُوتُ جُرَيْجٌ حَتَّى يَنْظُرَ فِي وَجْهِ الْمَيَامِيسِ. وَكَانَتْ تَأْوِي إِلَى صَوْمَعَتِهِ رَاعِيَةٌ تَرْعَى الْغَنَمَ فَوَلَدَتْ فَقِيلَ لَهَا مِمَّنْ هَذَا الْوَلَدُ قَالَتْ مِنْ جُرَيْجٍ نَزَلَ مِنْ صَوْمَعَتِهِ. قَالَ جُرَيْجٌ أَيْنَ هَذِهِ الَّتِي تَزْعُمُ أَنَّ وَلَدَهَا لِي قَالَ يَا بَابُوسُ مَنْ أَبُوكَ قَالَ رَاعِي الْغَنَمِ ".
Abu Hurayra (roziyallohu anhu)dan rivoyat qilinadi: Rasululloh ﷺ: «Bir ayol oʻz oʻgʻlini — u (Jurayj) oʻz ibodatxonasida (savmaasida) boʻlgan paytida — chaqirib: ‹Ey Jurayj!› — dedi. U: ‹Allohim, onam (meni chaqiryapti) va (men) namozdaman (nima qilay)?› — dedi. U (ona) yana: ‹Ey Jurayj!› — dedi. U yana: ‹Allohim, onam (meni chaqiryapti) va (men) namozdaman (nima qilay)?› — dedi. U yana: ‹Ey Jurayj!› — dedi. U yana: ‹Allohim, onam (meni chaqiryapti) va (men) namozdaman (nima qilay)?› — dedi. U (ona): ‹Allohim, Jurayjni — to fohishalarning yuzini koʻrmaguncha — oʻldirma›, — dedi. Bir choʻpon ayol qoʻylarini boqish uchun uning ibodatxonasi yonidan oʻtib turar edi va u (ayol) bir bola tugʻdi. Undan: ‹Bu bola kimniki?› — deb soʻraldi va u: ‹Jurayjniki; u ibodatxonasidan chiqdi (va men bilan boʻldi)›, — deb javob berdi. Jurayj: ‹Bolasi mendan, deb daʼvo qilayotgan oʻsha ayol qayerda?› — dedi. (U ayol bola bilan birga keltirilgach,) Jurayj boladan: ‹Ey Bobus, otang kim?› — dedi. Bola: ‹(Otam) — choʻpon›, — deb javob berdi», — dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Бир аёл ўз ўғлини — у (Журайж) ўз ибодатхонасида (савмаасида) бўлган пайтида — чақириб: ‹Эй Журайж!› — деди. У: ‹Аллоҳим, онам (мени чақиряпти) ва (мен) намоздаман (нима қилай)?› — деди. У (она) яна: ‹Эй Журайж!› — деди. У яна: ‹Аллоҳим, онам (мени чақиряпти) ва (мен) намоздаман (нима қилай)?› — деди. У яна: ‹Эй Журайж!› — деди. У яна: ‹Аллоҳим, онам (мени чақиряпти) ва (мен) намоздаман (нима қилай)?› — деди. У (она): ‹Аллоҳим, Журайжни — то фоҳишаларнинг юзини кўрмагунча — ўлдирма›, — деди. Бир чўпон аёл қўйларини боқиш учун унинг ибодатхонаси ёнидан ўтиб турар эди ва у (аёл) бир бола туғди. Ундан: ‹Бу бола кимники?› — деб сўралди ва у: ‹Журайжники; у ибодатхонасидан чиқди (ва мен билан бўлди)›, — деб жавоб берди. Журайж: ‹Боласи мендан, деб даъво қилаётган ўша аёл қаерда?› — деди. (У аёл бола билан бирга келтирилгач,) Журайж боладан: ‹Эй Бобус, отанг ким?› — деди. Бола: ‹(Отам) — чўпон›, — деб жавоб берди», — дедилар.