حَدَّثَنَا زُهَيْرُ بْنُ حَرْبٍ، حَدَّثَنَا يَزِيدُ بْنُ هَارُونَ، أَخْبَرَنَا جَرِيرُ بْنُ حَازِمٍ، حَدَّثَنَا مُحَمَّدُ بْنُ سِيرِينَ، عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ " لَمْ يَتَكَلَّمْ فِي الْمَهْدِ إِلاَّ ثَلاَثَةٌ عِيسَى ابْنُ مَرْيَمَ وَصَاحِبُ جُرَيْجٍ وَكَانَ جُرَيْجٌ رَجُلاً عَابِدًا فَاتَّخَذَ صَوْمَعَةً فَكَانَ فِيهَا فَأَتَتْهُ أُمُّهُ وَهُوَ يُصَلِّي فَقَالَتْ يَا جُرَيْجُ . فَقَالَ يَا رَبِّ أُمِّي وَصَلاَتِي . فَأَقْبَلَ عَلَى صَلاَتِهِ فَانْصَرَفَتْ فَلَمَّا كَانَ مِنَ الْغَدِ أَتَتْهُ وَهُوَ يُصَلِّي فَقَالَتْ يَا جُرَيْجُ فَقَالَ يَا رَبِّ أُمِّي وَصَلاَتِي فَأَقْبَلَ عَلَى صَلاَتِهِ فَانْصَرَفَتْ فَلَمَّا كَانَ مِنَ الْغَدِ أَتَتْهُ وَهُوَ يُصَلِّي فَقَالَتْ يَا جُرَيْجُ . فَقَالَ أَىْ رَبِّ أُمِّي وَصَلاَتِي . فَأَقْبَلَ عَلَى صَلاَتِهِ فَقَالَتِ اللَّهُمَّ لاَ تُمِتْهُ حَتَّى يَنْظُرَ إِلَى وُجُوهِ الْمُومِسَاتِ . فَتَذَاكَرَ بَنُو إِسْرَائِيلَ جُرَيْجًا وَعِبَادَتَهُ وَكَانَتِ امْرَأَةٌ بَغِيٌّ يُتَمَثَّلُ بِحُسْنِهَا فَقَالَتْ إِنْ شِئْتُمْ لأَفْتِنَنَّهُ لَكُمْ - قَالَ - فَتَعَرَّضَتْ لَهُ فَلَمْ يَلْتَفِتْ إِلَيْهَا فَأَتَتْ رَاعِيًا كَانَ يَأْوِي إِلَى صَوْمَعَتِهِ فَأَمْكَنَتْهُ مِنْ نَفْسِهَا فَوَقَعَ عَلَيْهَا فَحَمَلَتْ فَلَمَّا وَلَدَتْ قَالَتْ هُوَ مِنْ جُرَيْجٍ . فَأَتَوْهُ فَاسْتَنْزَلُوهُ وَهَدَمُوا صَوْمَعَتَهُ وَجَعَلُوا يَضْرِبُونَهُ فَقَالَ مَا شَأْنُكُمْ قَالُوا زَنَيْتَ بِهَذِهِ الْبَغِيِّ فَوَلَدَتْ مِنْكَ . فَقَالَ أَيْنَ الصَّبِيُّ فَجَاءُوا بِهِ فَقَالَ دَعُونِي حَتَّى أُصَلِّيَ فَصَلَّى فَلَمَّا انْصَرَفَ أَتَى الصَّبِيَّ فَطَعَنَ فِي بَطْنِهِ وَقَالَ يَا غُلاَمُ مَنْ أَبُوكَ قَالَ فُلاَنٌ الرَّاعِي - قَالَ - فَأَقْبَلُوا عَلَى جُرَيْجٍ يُقَبِّلُونَهُ وَيَتَمَسَّحُونَ بِهِ وَقَالُوا نَبْنِي لَكَ صَوْمَعَتَكَ مِنْ ذَهَبٍ . قَالَ لاَ أَعِيدُوهَا مِنْ طِينٍ كَمَا كَانَتْ . فَفَعَلُوا . وَبَيْنَا صَبِيٌّ يَرْضَعُ مِنْ أُمِّهِ فَمَرَّ رَجُلٌ رَاكِبٌ عَلَى دَابَّةٍ فَارِهَةٍ وَشَارَةٍ حَسَنَةٍ فَقَالَتْ أُمُّهُ اللَّهُمَّ اجْعَلِ ابْنِي مِثْلَ هَذَا . فَتَرَكَ الثَّدْىَ وَأَقْبَلَ إِلَيْهِ فَنَظَرَ إِلَيْهِ فَقَالَ اللَّهُمَّ لاَ تَجْعَلْنِي مِثْلَهُ . ثُمَّ أَقْبَلَ عَلَى ثَدْيِهِ فَجَعَلَ يَرْتَضِعُ . قَالَ فَكَأَنِّي أَنْظُرُ إِلَى رَسُولِ اللَّهِ صلى الله عليه وسلم وَهُوَ يَحْكِي ارْتِضَاعَهُ بِإِصْبَعِهِ السَّبَّابَةِ فِي فَمِهِ فَجَعَلَ يَمُصُّهَا . قَالَ وَمَرُّوا بِجَارِيَةٍ وَهُمْ يَضْرِبُونَهَا وَيَقُولُونَ زَنَيْتِ سَرَقْتِ . وَهِيَ تَقُولُ حَسْبِيَ اللَّهُ وَنِعْمَ الْوَكِيلُ . فَقَالَتْ أُمُّهُ اللَّهُمَّ لاَ تَجْعَلِ ابْنِي مِثْلَهَا . فَتَرَكَ الرَّضَاعَ وَنَظَرَ إِلَيْهَا فَقَالَ اللَّهُمَّ اجْعَلْنِي مِثْلَهَا . فَهُنَاكَ تَرَاجَعَا الْحَدِيثَ فَقَالَتْ حَلْقَى مَرَّ رَجُلٌ حَسَنُ الْهَيْئَةِ فَقُلْتُ اللَّهُمَّ اجْعَلِ ابْنِي مِثْلَهُ . فَقُلْتَ اللَّهُمَّ لاَ تَجْعَلْنِي مِثْلَهُ . وَمَرُّوا بِهَذِهِ الأَمَةِ وَهُمْ يَضْرِبُونَهَا وَيَقُولُونَ زَنَيْتِ سَرَقْتِ . فَقُلْتُ اللَّهُمَّ لاَ تَجْعَلِ ابْنِي مِثْلَهَا . فَقُلْتَ اللَّهُمَّ اجْعَلْنِي مِثْلَهَا قَالَ إِنَّ ذَاكَ الرَّجُلَ كَانَ جَبَّارًا فَقُلْتُ اللَّهُمَّ لاَ تَجْعَلْنِي مِثْلَهُ . وَإِنَّ هَذِهِ يَقُولُونَ لَهَا زَنَيْتِ . وَلَمْ تَزْنِ وَسَرَقْتِ وَلَمْ تَسْرِقْ فَقُلْتُ اللَّهُمَّ اجْعَلْنِي مِثْلَهَا .
Abu Hurayra (roziyallohu anhu)dan, u Nabiy ﷺ dan rivoyat qiladi. (Nabiy ﷺ) dedilar: «Beshikda faqat uch (kishi) gapirgan: Iso ibn Maryam, Jurayjning sohibi (haligi bola). Jurayj obid kishi edi. U bir ibodatxona qurib, oʻsha yerda turardi. Bir kuni u namoz oʻqiyotganida onasi keldi-da: ‹Ey Jurayj!› dedi. (Jurayj): ‹Yo Robbim! Onammi yoki namozim?› dedi-da, namoziga yuzlandi. Shunda onasi qaytib ketdi. Ertasi kuni u namoz oʻqiyotganida (onasi) yana kelib: ‹Ey Jurayj!› dedi. (Jurayj): ‹Yo Robbim! Onammi yoki namozim?› dedi-da, namoziga yuzlandi. Shunda onasi qaytib ketdi. Ertasi kuni u namoz oʻqiyotganida (onasi) yana kelib: ‹Ey Jurayj!› dedi. (Jurayj): ‹Ey Robbim! Onammi yoki namozim?› dedi-da, namoziga yuzlandi. Shunda onasi: ‹Yo Robbim! Uni fohishalarning yuziga qaramaguncha jonini olma!› dedi. Bani Isroil Jurayjni va uning ibodatini oʻzaro tilga olib yurardi. Goʻzalligi bilan misol keltiriladigan bir fohisha ayol bor edi. U: ‹Agar xohlasangiz, men uni sizlar uchun fitnaga solaman›, dedi. Soʻng u Jurayjga oʻzini koʻrsatdi, ammo u unga qaramadi. Shunda u (ayol) Jurayjning ibodatxonasiga panoh topib turadigan bir choʻpon oldiga keldi-da, oʻzini unga taslim qildi, choʻpon u bilan zino qildi, shunda u homilador boʻldi. Tugʻib boʻlgach: ‹Bu Jurayjdandir›, dedi. Shunda ular uning oldiga kelib, uni (ibodatxonadan) tushirishdi, ibodatxonasini buzishdi va uni ura boshlashdi. (Jurayj): ‹Sizlarga nima boʻldi?› dedi. Ular: ‹Sen mana bu fohisha bilan zino qilibsan, u sendan tugʻibdi›, deyishdi. (Jurayj): ‹Bola qani?› dedi. Uni olib kelishdi. (Jurayj): ‹Meni qoʻyib turinglar, namoz oʻqib olay›, dedi-da, namoz oʻqidi. Namozdan boʻshagach, bola oldiga kelib, qornidan turtdi va: ‹Ey bola! Otang kim?› dedi. (Bola): ‹Falon choʻpon›, dedi. Shunda ular Jurayjga yuzlanib, uni oʻpa boshlashdi va unga (barakat soʻrab) suykalishdi va: ‹Senga ibodatxonangni oltindan qurib beramiz›, deyishdi. (Jurayj): ‹Yoʻq, uni ilgarigidek loydan tiklab beringlar›, dedi. Shunday qilishdi. Bir vaqt bir chaqaloq onasini emayotgan edi. Shu payt bir kishi gʻaroyib (chiroyli) ulov ustida, koʻrkam libosda oʻtib qoldi. (Chaqaloqning) onasi: ‹Yo Robbim! Oʻgʻlimni shunga oʻxshatib qoʻy!› dedi. Shunda (chaqaloq) emishni tashlab, unga yuzlandi-da, unga qaradi va: ‹Yo Robbim! Meni unga oʻxshatma!› dedi. Soʻng yana koʻkrakka yuzlanib, ema boshladi». (Abu Hurayra) dedi: goʻyo men Rasululloh ﷺ ni koʻrayotgandekman, u zot uning (chaqaloqning) emishini koʻrsatib, koʻrsatkich barmoqlarini ogʻizlariga solib, soʻra boshladilar. (Rasululloh ﷺ) dedilar: «Soʻng ular bir choʻri yonidan oʻtishdi, uni urishar va: ‹Sen zino qilding, oʻgʻirlik qilding!› deyishardi. U esa: ‹Menga Alloh kifoyadir, U naqadar yaxshi vakildir!› derdi. Shunda (chaqaloqning) onasi: ‹Yo Robbim! Oʻgʻlimni bunga oʻxshatib qoʻyma!› dedi. Shunda (chaqaloq) emishni tashlab, unga qaradi-da: ‹Yo Robbim! Meni bunga oʻxshat!› dedi. Shu yerda ular ikkovi oʻzaro gaplashishdi. (Onasi): ‹Boshing qirilgur! Koʻrkam holatdagi bir kishi oʻtib qoldi, men: «Yo Robbim! Oʻgʻlimni shunga oʻxshat!» dedim, sen esa: «Yo Robbim! Meni unga oʻxshatma!» deding. Mana bu choʻri yonidan oʻtishdi, uni urishib: «Sen zino qilding, oʻgʻirlik qilding!» deyishardi, men: «Yo Robbim! Oʻgʻlimni bunga oʻxshatma!» dedim, sen esa: «Yo Robbim! Meni bunga oʻxshat!» deding›, dedi. (Chaqaloq): ‹Haqiqatan, ana u kishi zolim edi, shuning uchun men: «Yo Robbim! Meni unga oʻxshatma!» dedim. Mana bunga esa: «Sen zino qilding» deyishadi, holbuki u zino qilmagan, «oʻgʻirlik qilding» deyishadi, holbuki u oʻgʻirlik qilmagan, shuning uchun men: «Yo Robbim! Meni bunga oʻxshat!» dedim›, dedi».Абу Ҳурайра (розияллоҳу анҳу)дан, у Набий ﷺ дан ривоят қилади. (Набий ﷺ) дедилар: «Бешикда фақат уч (киши) гапирган: Исо ибн Марям, Журайжнинг соҳиби (ҳалиги бола). Журайж обид киши эди. У бир ибодатхона қуриб, ўша ерда турарди. Бир куни у намоз ўқиётганида онаси келди-да: ‹Эй Журайж!› деди. (Журайж): ‹Ё Роббим! Онамми ёки намозим?› деди-да, намозига юзланди. Шунда онаси қайтиб кетди. Эртаси куни у намоз ўқиётганида (онаси) яна келиб: ‹Эй Журайж!› деди. (Журайж): ‹Ё Роббим! Онамми ёки намозим?› деди-да, намозига юзланди. Шунда онаси қайтиб кетди. Эртаси куни у намоз ўқиётганида (онаси) яна келиб: ‹Эй Журайж!› деди. (Журайж): ‹Эй Роббим! Онамми ёки намозим?› деди-да, намозига юзланди. Шунда онаси: ‹Ё Роббим! Уни фоҳишаларнинг юзига қарамагунча жонини олма!› деди. Бани Исроил Журайжни ва унинг ибодатини ўзаро тилга олиб юрарди. Гўзаллиги билан мисол келтириладиган бир фоҳиша аёл бор эди. У: ‹Агар хоҳласангиз, мен уни сизлар учун фитнага соламан›, деди. Сўнг у Журайжга ўзини кўрсатди, аммо у унга қарамади. Шунда у (аёл) Журайжнинг ибодатхонасига паноҳ топиб турадиган бир чўпон олдига келди-да, ўзини унга таслим қилди, чўпон у билан зино қилди, шунда у ҳомиладор бўлди. Туғиб бўлгач: ‹Бу Журайждандир›, деди. Шунда улар унинг олдига келиб, уни (ибодатхонадан) туширишди, ибодатхонасини бузишди ва уни ура бошлашди. (Журайж): ‹Сизларга нима бўлди?› деди. Улар: ‹Сен мана бу фоҳиша билан зино қилибсан, у сендан туғибди›, дейишди. (Журайж): ‹Бола қани?› деди. Уни олиб келишди. (Журайж): ‹Мени қўйиб туринглар, намоз ўқиб олай›, деди-да, намоз ўқиди. Намоздан бўшагач, бола олдига келиб, қорнидан туртди ва: ‹Эй бола! Отанг ким?› деди. (Бола): ‹Фалон чўпон›, деди. Шунда улар Журайжга юзланиб, уни ўпа бошлашди ва унга (баракат сўраб) суйкалишди ва: ‹Сенга ибодатхонангни олтиндан қуриб берамиз›, дейишди. (Журайж): ‹Йўқ, уни илгаригидек лойдан тиклаб беринглар›, деди. Шундай қилишди. Бир вақт бир чақалоқ онасини эмаётган эди. Шу пайт бир киши ғаройиб (чиройли) улов устида, кўркам либосда ўтиб қолди. (Чақалоқнинг) онаси: ‹Ё Роббим! Ўғлимни шунга ўхшатиб қўй!› деди. Шунда (чақалоқ) эмишни ташлаб, унга юзланди-да, унга қаради ва: ‹Ё Роббим! Мени унга ўхшатма!› деди. Сўнг яна кўкракка юзланиб, эма бошлади». (Абу Ҳурайра) деди: гўё мен Расулуллоҳ ﷺ ни кўраётгандекман, у зот унинг (чақалоқнинг) эмишини кўрсатиб, кўрсаткич бармоқларини оғизларига солиб, сўра бошладилар. (Расулуллоҳ ﷺ) дедилар: «Сўнг улар бир чўри ёнидан ўтишди, уни уришар ва: ‹Сен зино қилдинг, ўғирлик қилдинг!› дейишарди. У эса: ‹Менга Аллоҳ кифоядир, У нақадар яхши вакилдир!› дерди. Шунда (чақалоқнинг) онаси: ‹Ё Роббим! Ўғлимни бунга ўхшатиб қўйма!› деди. Шунда (чақалоқ) эмишни ташлаб, унга қаради-да: ‹Ё Роббим! Мени бунга ўхшат!› деди. Шу ерда улар иккови ўзаро гаплашишди. (Онаси): ‹Бошинг қирилгур! Кўркам ҳолатдаги бир киши ўтиб қолди, мен: «Ё Роббим! Ўғлимни шунга ўхшат!» дедим, сен эса: «Ё Роббим! Мени унга ўхшатма!» дединг. Мана бу чўри ёнидан ўтишди, уни уришиб: «Сен зино қилдинг, ўғирлик қилдинг!» дейишарди, мен: «Ё Роббим! Ўғлимни бунга ўхшатма!» дедим, сен эса: «Ё Роббим! Мени бунга ўхшат!» дединг›, деди. (Чақалоқ): ‹Ҳақиқатан, ана у киши золим эди, шунинг учун мен: «Ё Роббим! Мени унга ўхшатма!» дедим. Мана бунга эса: «Сен зино қилдинг» дейишади, ҳолбуки у зино қилмаган, «ўғирлик қилдинг» дейишади, ҳолбуки у ўғирлик қилмаган, шунинг учун мен: «Ё Роббим! Мени бунга ўхшат!» дедим›, деди».