Abu Hurayra (roziyallohu anhu)dan rivoyat qilinadi: Oʻlim farishtasi Muso (alayhissalom)ning oldiga joʻnatildi va u (farishta) uning oldiga borganda, Muso uni qattiq urdi va uning bir koʻzini koʻr qildi. Farishta oʻz Robbining oldiga qaytib: «Sen meni — oʻlimni xohlamaydigan bir bandangga joʻnating», — dedi. Alloh uning koʻzini tiklab (qaytarib) berdi va: «Qaytib borib, unga (Musoga) ayt — qoʻlini bir hoʻkizning orqasiga (terisiga) qoʻysin; uning qoʻli ostiga qancha (hoʻkiz) tuki kelsa, oʻshancha yil yashashiga ruxsat beriladi», — dedi. (Bas, farishta unga kelib, shuni aytdi.) Soʻng Muso: «Ey Robbim, undan keyin nima (boʻladi)?» — dedi. U (Alloh): «(Undan keyin) oʻlim (boʻladi)», — dedi. Muso: «(Boʻlsa,) hozir (boʻlaversin)», — dedi va Allohdan — uni muqaddas yerga bir tosh otimcha (masofaga) yaqinlashtirishni — soʻradi. Rasululloh ﷺ: «Agar men u yerda boʻlganimda, sizlarga Musoning qabrini — yoʻl yonidagi qizil qum tepasi yaqinida — koʻrsatar edim», — dedilar.Абу Ҳурайра (розияллоҳу анҳу)дан ривоят қилинади: Ўлим фариштаси Мусо (алайҳиссалом)нинг олдига жўнатилди ва у (фаришта) унинг олдига борганда, Мусо уни қаттиқ урди ва унинг бир кўзини кўр қилди. Фаришта ўз Роббининг олдига қайтиб: «Сен мени — ўлимни хоҳламайдиган бир бандангга жўнатинг», — деди. Аллоҳ унинг кўзини тиклаб (қайтариб) берди ва: «Қайтиб бориб, унга (Мусога) айт — қўлини бир ҳўкизнинг орқасига (терисига) қўйсин; унинг қўли остига қанча (ҳўкиз) туки келса, ўшанча йил яшашига рухсат берилади», — деди. (Бас, фаришта унга келиб, шуни айтди.) Сўнг Мусо: «Эй Роббим, ундан кейин нима (бўлади)?» — деди. У (Аллоҳ): «(Ундан кейин) ўлим (бўлади)», — деди. Мусо: «(Бўлса,) ҳозир (бўлаверсин)», — деди ва Аллоҳдан — уни муқаддас ерга бир тош отимча (масофага) яқинлаштиришни — сўради. Расулуллоҳ ﷺ: «Агар мен у ерда бўлганимда, сизларга Мусонинг қабрини — йўл ёнидаги қизил қум тепаси яқинида — кўрсатар эдим», — дедилар.