Abu Hurayra (roziyallohu anhu)dan rivoyat qilinadi: Allohning Rasuli ﷺ: «Kim Alloh yoʻlida (mol-mulkidan) ikki (xil) narsani juft (qilib) sadaqa qilsa, u jannat darvozalaridan: ‹Ey Allohning bandasi! Mana bu — (sen uchun) yaxshilik (xayr)›, — deb chaqiriladi. Bas, kim namoz ahlidan boʻlsa, namoz darvozasidan chaqiriladi; kim jihod ahlidan boʻlsa, jihod darvozasidan chaqiriladi; kim roʻza tutuvchilardan boʻlsa, Rayyon darvozasidan chaqiriladi; kim sadaqa (beruvchilar) ahlidan boʻlsa, sadaqa darvozasidan chaqiriladi», — dedilar. Abu Bakr: «Ota-onam senga fido boʻlsin, yo Rasululloh! Oʻsha darvozalardan chaqirilgan kishiga hech qiyinchilik yoki ehtiyoj (zarurat) yetmaydi. (Lekin) shunday biror kishi boʻladimi — u bu darvozalarning hammasidan chaqirilsa?» — dedi. Paygʻambar ﷺ: «Ha, va men sen ulardan biri boʻlishingni umid qilaman», — dedilar.Абу Ҳурайра (розияллоҳу анҳу)дан ривоят қилинади: Аллоҳнинг Расули ﷺ: «Ким Аллоҳ йўлида (мол-мулкидан) икки (хил) нарсани жуфт (қилиб) садақа қилса, у жаннат дарвозаларидан: ‹Эй Аллоҳнинг бандаси! Мана бу — (сен учун) яхшилик (хайр)›, — деб чақирилади. Бас, ким намоз аҳлидан бўлса, намоз дарвозасидан чақирилади; ким жиҳод аҳлидан бўлса, жиҳод дарвозасидан чақирилади; ким рўза тутувчилардан бўлса, Райён дарвозасидан чақирилади; ким садақа (берувчилар) аҳлидан бўлса, садақа дарвозасидан чақирилади», — дедилар. Абу Бакр: «Ота-онам сенга фидо бўлсин, ё Расулуллоҳ! Ўша дарвозалардан чақирилган кишига ҳеч қийинчилик ёки эҳтиёж (зарурат) етмайди. (Лекин) шундай бирор киши бўладими — у бу дарвозаларнинг ҳаммасидан чақирилса?» — деди. Пайғамбар ﷺ: «Ҳа, ва мен сен улардан бири бўлишингни умид қиламан», — дедилар.