حَدَّثَنَا عُثْمَانُ بْنُ أَبِي شَيْبَةَ، حَدَّثَنَا جَرِيرٌ، عَنْ مَنْصُورٍ، عَنِ الزُّهْرِيِّ، عَنْ حُمَيْدِ بْنِ عَبْدِ الرَّحْمَنِ، عَنْ أَبِي هُرَيْرَةَ ـ رضى الله عنه ـ جَاءَ رَجُلٌ إِلَى النَّبِيِّ صلى الله عليه وسلم فَقَالَ إِنَّ الأَخِرَ وَقَعَ عَلَى امْرَأَتِهِ فِي رَمَضَانَ. فَقَالَ " أَتَجِدُ مَا تُحَرِّرُ رَقَبَةً ". قَالَ لاَ. قَالَ " فَتَسْتَطِيعُ أَنْ تَصُومَ شَهْرَيْنِ مُتَتَابِعَيْنِ ". قَالَ لاَ. قَالَ " أَفَتَجِدُ مَا تُطْعِمُ بِهِ سِتِّينَ مِسْكِينًا ". قَالَ لاَ. قَالَ فَأُتِيَ النَّبِيُّ صلى الله عليه وسلم بِعَرَقٍ فِيهِ تَمْرٌ ـ وَهُوَ الزَّبِيلُ ـ قَالَ " أَطْعِمْ هَذَا عَنْكَ ". قَالَ عَلَى أَحْوَجَ مِنَّا مَا بَيْنَ لاَبَتَيْهَا أَهْلُ بَيْتٍ أَحْوَجُ مِنَّا. قَالَ " فَأَطْعِمْهُ أَهْلَكَ ".
Abu Hurayra (roziyallohu anhu)dan rivoyat qilinadi: Bir kishi Paygʻambar ﷺ ning oldiga kelib: «Men Ramazonda (roʻzador holda) zavjam bilan jinsiy yaqinlik qildim», — dedi. Paygʻambar ﷺ undan: «Bir qul ozod qilishga qodirmisan?» — deb soʻradilar. U ‹yoʻq› (deb javob berdi). Paygʻambar ﷺ undan: «Ikki oy ketma-ket roʻza tuta olasanmi?» — deb soʻradilar. U ‹yoʻq› (deb javob berdi). U zot undan: «Oltmish kambagʻalni taomlantirishga qodirmisan?» — deb soʻradilar. U ‹yoʻq› (deb javob berdi). (Abu Hurayra qoʻshdi:) Soʻng Paygʻambar ﷺ ga xurmoga toʻla bir savat keltirildi va u zot (oʻsha kishiga): «Buni — kafforat sifatida — (kambagʻallarga) yedir», — dedilar. U: «(Buni) oʻzimizdan kambagʻalroq kishilargami? (Madina)ning togʻlari orasida bizning uyimizdan kambagʻalroq uy yoʻq», — dedi. Paygʻambar ﷺ: «Unday boʻlsa, uni oʻz oilang bilan yeb qoʻy», — dedilar.Абу Ҳурайра (розияллоҳу анҳу)дан ривоят қилинади: Бир киши Пайғамбар ﷺ нинг олдига келиб: «Мен Рамазонда (рўзадор ҳолда) завжам билан жинсий яқинлик қилдим», — деди. Пайғамбар ﷺ ундан: «Бир қул озод қилишга қодирмисан?» — деб сўрадилар. У ‹йўқ› (деб жавоб берди). Пайғамбар ﷺ ундан: «Икки ой кетма-кет рўза тута оласанми?» — деб сўрадилар. У ‹йўқ› (деб жавоб берди). У зот ундан: «Олтмиш камбағални таомлантиришга қодирмисан?» — деб сўрадилар. У ‹йўқ› (деб жавоб берди). (Абу Ҳурайра қўшди:) Сўнг Пайғамбар ﷺ га хурмога тўла бир сават келтирилди ва у зот (ўша кишига): «Буни — каффорат сифатида — (камбағалларга) едир», — дедилар. У: «(Буни) ўзимиздан камбағалроқ кишиларгами? (Мадина)нинг тоғлари орасида бизнинг уйимиздан камбағалроқ уй йўқ», — деди. Пайғамбар ﷺ: «Ундай бўлса, уни ўз оиланг билан еб қўй», — дедилар.