وَقَالَ الْحُمَيْدِيُّ حَدَّثَنَا سُفْيَانُ، حَدَّثَنَا عَمْرٌو، عَنِ ابْنِ عُمَرَ ـ رضى الله عنهما ـ قَالَ كُنَّا مَعَ النَّبِيِّ صلى الله عليه وسلم فِي سَفَرٍ فَكُنْتُ عَلَى بَكْرٍ صَعْبٍ لِعُمَرَ، فَكَانَ يَغْلِبُنِي فَيَتَقَدَّمُ أَمَامَ الْقَوْمِ، فَيَزْجُرُهُ عُمَرُ وَيَرُدُّهُ، ثُمَّ يَتَقَدَّمُ فَيَزْجُرُهُ عُمَرُ وَيَرُدُّهُ فَقَالَ النَّبِيُّ صلى الله عليه وسلم لِعُمَرَ " بِعْنِيهِ ". قَالَ هُوَ لَكَ يَا رَسُولَ اللَّهِ. قَالَ " بِعْنِيهِ ". فَبَاعَهُ مِنْ رَسُولِ اللَّهِ صلى الله عليه وسلم فَقَالَ النَّبِيُّ صلى الله عليه وسلم " هُوَ لَكَ يَا عَبْدَ اللَّهِ بْنَ عُمَرَ تَصْنَعُ بِهِ مَا شِئْتَ ".
Ibn Umar (roziyallohu anhumo)dan rivoyat qilinadi: Biz safarda Paygʻambar ﷺ bilan birga edik va men Umarning bir asov (qiyin) tuyasiga mingan edim hamda uni oʻz nazoratimga ola olmas edim. Bas, u (tuya) (qofila)ning oldinga oʻtib ketar va Umar uni tutib, orqaga qaytarar; u yana oldinga oʻtar va Umar uni yana orqaga qaytarar edi. Paygʻambar ﷺ Umardan — oʻsha tuyani u zotga sotishni — soʻradilar. Umar: «U siz uchun(dir), yo Rasululloh!» — dedi. Allohning Rasuli ﷺ Umarga — oʻsha tuyani u zotga sotishni (hadya qilmaslikni) — aytdilar. Bas, Umar uni Allohning Rasuli ﷺ ga sotdi. Soʻng Paygʻambar ﷺ Abdulloh ibn Umarga: «Bu tuya — sen uchun(dir), ey Abdulloh (hadya sifatida); uni xohlagan ishingga ishlataverasan», — dedilar.Ибн Умар (розияллоҳу анҳумо)дан ривоят қилинади: Биз сафарда Пайғамбар ﷺ билан бирга эдик ва мен Умарнинг бир асов (қийин) туясига минган эдим ҳамда уни ўз назоратимга ола олмас эдим. Бас, у (туя) (қофила)нинг олдинга ўтиб кетар ва Умар уни тутиб, орқага қайтарар; у яна олдинга ўтар ва Умар уни яна орқага қайтарар эди. Пайғамбар ﷺ Умардан — ўша туяни у зотга сотишни — сўрадилар. Умар: «У сиз учун(дир), ё Расулуллоҳ!» — деди. Аллоҳнинг Расули ﷺ Умарга — ўша туяни у зотга сотишни (ҳадя қилмасликни) — айтдилар. Бас, Умар уни Аллоҳнинг Расули ﷺ га сотди. Сўнг Пайғамбар ﷺ Абдуллоҳ ибн Умарга: «Бу туя — сен учун(дир), эй Абдуллоҳ (ҳадя сифатида); уни хоҳлаган ишингга ишлатаверасан», — дедилар.