حَدَّثَنَا فَرْوَةُ بْنُ أَبِي الْمَغْرَاءِ، أَخْبَرَنَا عَلِيُّ بْنُ مُسْهِرٍ، عَنْ هِشَامٍ، عَنْ أَبِيهِ، عَنْ عَائِشَةَ ـ رضى الله عنها ـ قَالَتْ لَقَلَّ يَوْمٌ كَانَ يَأْتِي عَلَى النَّبِيِّ صلى الله عليه وسلم إِلاَّ يَأْتِي فِيهِ بَيْتَ أَبِي بَكْرٍ أَحَدَ طَرَفَىِ النَّهَارِ، فَلَمَّا أُذِنَ لَهُ فِي الْخُرُوجِ إِلَى الْمَدِينَةِ لَمْ يَرُعْنَا إِلاَّ وَقَدْ أَتَانَا ظُهْرًا، فَخُبِّرَ بِهِ أَبُو بَكْرٍ فَقَالَ مَا جَاءَنَا النَّبِيُّ صلى الله عليه وسلم فِي هَذِهِ السَّاعَةِ، إِلاَّ لأَمْرٍ حَدَثَ، فَلَمَّا دَخَلَ عَلَيْهِ قَالَ لأَبِي بَكْرٍ " أَخْرِجْ مَنْ عِنْدَكَ ". قَالَ يَا رَسُولَ اللَّهِ إِنَّمَا هُمَا ابْنَتَاىَ. يَعْنِي عَائِشَةَ وَأَسْمَاءَ. قَالَ " أَشَعَرْتَ أَنَّهُ قَدْ أُذِنَ لِي فِي الْخُرُوجِ ". قَالَ الصُّحْبَةَ يَا رَسُولَ اللَّهِ. قَالَ " الصُّحْبَةَ ". قَالَ يَا رَسُولَ اللَّهِ إِنَّ عِنْدِي نَاقَتَيْنِ أَعْدَدْتُهُمَا لِلْخُرُوجِ، فَخُذْ إِحْدَاهُمَا. قَالَ " قَدْ أَخَذْتُهَا بِالثَّمَنِ ".
Oisha (roziyallohu anho)dan rivoyat qilinadi: Paygʻambar ﷺ — har kuni, ertalab yoki kechqurun — Abu Bakrning uyiga tashrif buyurmaslik(lar)i (juda) kam (boʻlar) edi. Madinaga hijrat qilishga ruxsat berilganda, toʻsatdan Paygʻambar ﷺ peshin paytida oldimizga keldilar va Abu Bakrga (bu haqda) xabar berildi; u: «Albatta, Paygʻambar ﷺ biror muhim ish uchun keldilar», — dedi. Paygʻambar ﷺ — Abu Bakr kirganda — unga: «Uyingda hech kim qolmasin (chiqsin)», — dedilar. Abu Bakr: «Yo Rasululloh, (uyda) faqat mening ikki qizim (Oisha va Asmo) bor», — dedi. Paygʻambar ﷺ: «Menga hijrat qilishga ruxsat berilgani (maʼlum) boʻldi», — dedilar. Abu Bakr: «Men sizga hamroh boʻlaman, yo Rasululloh!» — dedi. Paygʻambar ﷺ: «Sen menga hamroh boʻlasan», — dedilar. Soʻng Abu Bakr: «Yo Rasululloh, menda — hijrat uchun maxsus tayyorlab qoʻygan — ikki tuya bor; bas, men ularning birini sizga beraman», — dedi. Paygʻambar ﷺ: «Men uni — narxini toʻlash sharti bilan — qabul qildim», — dedilar.Оиша (розияллоҳу анҳо)дан ривоят қилинади: Пайғамбар ﷺ — ҳар куни, эрталаб ёки кечқурун — Абу Бакрнинг уйига ташриф буюрмаслик(лар)и (жуда) кам (бўлар) эди. Мадинага ҳижрат қилишга рухсат берилганда, тўсатдан Пайғамбар ﷺ пешин пайтида олдимизга келдилар ва Абу Бакрга (бу ҳақда) хабар берилди; у: «Албатта, Пайғамбар ﷺ бирор муҳим иш учун келдилар», — деди. Пайғамбар ﷺ — Абу Бакр кирганда — унга: «Уйингда ҳеч ким қолмасин (чиқсин)», — дедилар. Абу Бакр: «Ё Расулуллоҳ, (уйда) фақат менинг икки қизим (Оиша ва Асмо) бор», — деди. Пайғамбар ﷺ: «Менга ҳижрат қилишга рухсат берилгани (маълум) бўлди», — дедилар. Абу Бакр: «Мен сизга ҳамроҳ бўламан, ё Расулуллоҳ!» — деди. Пайғамбар ﷺ: «Сен менга ҳамроҳ бўласан», — дедилар. Сўнг Абу Бакр: «Ё Расулуллоҳ, менда — ҳижрат учун махсус тайёрлаб қўйган — икки туя бор; бас, мен уларнинг бирини сизга бераман», — деди. Пайғамбар ﷺ: «Мен уни — нархини тўлаш шарти билан — қабул қилдим», — дедилар.