حَدَّثَنَا آدَمُ، حَدَّثَنَا شُعْبَةُ، أَخْبَرَنَا عَمْرٌو، قَالَ سَمِعْتُ أَبَا الْبَخْتَرِيِّ الطَّائِيَّ، قَالَ سَأَلْتُ ابْنَ عَبَّاسٍ ـ رضى الله عنهما ـ عَنِ السَّلَمِ، فِي النَّخْلِ. قَالَ نَهَى النَّبِيُّ صلى الله عليه وسلم عَنْ بَيْعِ النَّخْلِ، حَتَّى يُؤْكَلَ مِنْهُ وَحَتَّى يُوزَنَ. فَقَالَ الرَّجُلُ وَأَىُّ شَىْءٍ يُوزَنُ قَالَ رَجُلٌ إِلَى جَانِبِهِ حَتَّى يُحْرَزَ. وَقَالَ مُعَاذٌ حَدَّثَنَا شُعْبَةُ، عَنْ عَمْرٍو، قَالَ أَبُو الْبَخْتَرِيِّ سَمِعْتُ ابْنَ عَبَّاسٍ ـ رضى الله عنهما ـ نَهَى النَّبِيُّ صلى الله عليه وسلم مِثْلَهُ.
Abu Baxtariy at-Toiy (Ibn Abbosdan) rivoyat qiladi: Men Ibn Abbosdan xurmo (daraxtlari mevasi) uchun salam haqida soʻradim. U: «Paygʻambar ﷺ daraxtdagi xurmoni — to u yeyishga yaroqli boʻlib, oʻlchab (tortib) bilinadigan boʻlguncha — sotishdan qaytardi», — deb javob berdi. Bir kishi: «(Xurmo hali daraxtda turgan boʻlsa,) nima oʻlchanadi (tortiladi)?» — deb soʻradi. Ibn Abbos yonida oʻtirgan boshqa bir kishi: «To ular uzilib, (omborga) saqlab qoʻyilguncha», — deb javob berdi. Abulbaxtariydan (rivoyat qilinadi): Men Ibn Abbosning — Paygʻambar ﷺ (xurmoni shunday sotishdan) qaytardi, deganini — eshitdim; yuqoridagidek.Абу Бахтарий ат-Тоий (Ибн Аббосдан) ривоят қилади: Мен Ибн Аббосдан хурмо (дарахтлари меваси) учун салам ҳақида сўрадим. У: «Пайғамбар ﷺ дарахтдаги хурмони — то у ейишга яроқли бўлиб, ўлчаб (тортиб) билинадиган бўлгунча — сотишдан қайтарди», — деб жавоб берди. Бир киши: «(Хурмо ҳали дарахтда турган бўлса,) нима ўлчанади (тортилади)?» — деб сўради. Ибн Аббос ёнида ўтирган бошқа бир киши: «То улар узилиб, (омборга) сақлаб қўйилгунча», — деб жавоб берди. Абулбахтарийдан (ривоят қилинади): Мен Ибн Аббоснинг — Пайғамбар ﷺ (хурмони шундай сотишдан) қайтарди, деганини — эшитдим; юқоридагидек.