Abdulloh ibn Umar ibn Xattob (roziyallohu anhumo)dan rivoyat qilinadi: Allohning Rasuli ﷺ: «Sizlarning misolingiz va yahudiy hamda nasroniylarning misoli — baʼzi ishchilarni yollagan bir kishining misoli(dek): u (ularga): ‹Kim men uchun tush (peshin)gacha bir qirotdan (haqi)ga ishlaydi?› — dedi. Yahudiylar bir qirotdan (haqi)ga ishni bajardi; soʻng nasroniylar asr namozigacha bir qirotdan (haqi)ga ishni bajardi; endi esa siz, musulmonlar asr namozidan to quyosh botguncha ikki qirotdan (haqi)ga ishlayapsiz. Yahudiy va nasroniylar gʻazablandi va: ‹Biz koʻproq ishlab, kamroq haq olamiz›, — dedi. Ish beruvchi (Alloh) ulardan: ‹Men sizlarning haqqingizdan biror narsani gʻasb qildimmi (oldimmi)?› — deb soʻradi. Ular ‹yoʻq› (deb javob berdi). U: ‹Bu — Mening fazlim(dir); uni xohlagan kishimga beraman›, — dedi», — dedilar.Абдуллоҳ ибн Умар ибн Хаттоб (розияллоҳу анҳумо)дан ривоят қилинади: Аллоҳнинг Расули ﷺ: «Сизларнинг мисолингиз ва яҳудий ҳамда насронийларнинг мисоли — баъзи ишчиларни ёллаган бир кишининг мисоли(дек): у (уларга): ‹Ким мен учун туш (пешин)гача бир қиротдан (ҳақи)га ишлайди?› — деди. Яҳудийлар бир қиротдан (ҳақи)га ишни бажарди; сўнг насронийлар аср намозигача бир қиротдан (ҳақи)га ишни бажарди; энди эса сиз, мусулмонлар аср намозидан то қуёш ботгунча икки қиротдан (ҳақи)га ишлаяпсиз. Яҳудий ва насронийлар ғазабланди ва: ‹Биз кўпроқ ишлаб, камроқ ҳақ оламиз›, — деди. Иш берувчи (Аллоҳ) улардан: ‹Мен сизларнинг ҳаққингиздан бирор нарсани ғасб қилдимми (олдимми)?› — деб сўради. Улар ‹йўқ› (деб жавоб берди). У: ‹Бу — Менинг фазлим(дир); уни хоҳлаган кишимга бераман›, — деди», — дедилар.