Ibn Umar (roziyallohu anhumo)dan rivoyat qilinadi: Paygʻambar ﷺ: «Sizlarning misolingiz va ikki Kitob ahlining (yaʼni yahudiy va nasroniylarning) misoli — baʼzi ishchilarni yollagan bir kishining misoli(dek): u (ishchilarga): ‹Kim men uchun ertalabdan tush (peshin)gacha bir qirot (haqi)ga ishlaydi?› — dedi. Yahudiylar (buni) qabul qilib, ishni bajardi. Soʻng u: ‹Kim men uchun tushdan asr namozigacha bir qirot (haqi)ga ishlaydi?› — dedi. Nasroniylar (buni) qabul qilib, ishni bajardi. Soʻng u: ‹Kim men uchun asrdan to quyosh botguncha ikki qirot (haqi)ga ishlaydi?› — dedi. Siz, musulmonlar (bu) taklifni qabul qildingiz. Yahudiy va nasroniylar gʻazablandi va: ‹Nega biz koʻproq ishlab, kamroq haq olamiz?› — dedi. (Alloh): ‹Men sizlarning haqqingizdan biror narsani ushlab qoldimmi?› — dedi. Ular ‹yoʻq› (deb javob berdi). U: ‹Bu — Mening fazlim(dir); uni xohlagan kishimga beraman›, — dedi», — dedilar.Ибн Умар (розияллоҳу анҳумо)дан ривоят қилинади: Пайғамбар ﷺ: «Сизларнинг мисолингиз ва икки Китоб аҳлининг (яъни яҳудий ва насронийларнинг) мисоли — баъзи ишчиларни ёллаган бир кишининг мисоли(дек): у (ишчиларга): ‹Ким мен учун эрталабдан туш (пешин)гача бир қирот (ҳақи)га ишлайди?› — деди. Яҳудийлар (буни) қабул қилиб, ишни бажарди. Сўнг у: ‹Ким мен учун тушдан аср намозигача бир қирот (ҳақи)га ишлайди?› — деди. Насронийлар (буни) қабул қилиб, ишни бажарди. Сўнг у: ‹Ким мен учун асрдан то қуёш ботгунча икки қирот (ҳақи)га ишлайди?› — деди. Сиз, мусулмонлар (бу) таклифни қабул қилдингиз. Яҳудий ва насронийлар ғазабланди ва: ‹Нега биз кўпроқ ишлаб, камроқ ҳақ оламиз?› — деди. (Аллоҳ): ‹Мен сизларнинг ҳаққингиздан бирор нарсани ушлаб қолдимми?› — деди. Улар ‹йўқ› (деб жавоб берди). У: ‹Бу — Менинг фазлим(дир); уни хоҳлаган кишимга бераман›, — деди», — дедилар.