Abu Qiloba (Anasdan) rivoyat qiladi: Anas dedi: «Ukl yoki Urayna qabilasidan baʼzi kishilar Madinaga keldi; uning havosi ularga toʻgʻri kelmadi. Shunda Paygʻambar ﷺ ularga sogʻin tuyalar (podasi) oldiga borib, ularning suti va siydigini (dori sifatida) ichishni buyurdilar. Ular shunday qildi va sogʻaygach, Paygʻambar ﷺ ning choʻponini oʻldirib, barcha tuyalarni haydab ketdi. Xabar ertalab Paygʻambar ﷺ ga yetdi; u zot ularning orqasidan (kishilar) yubordilar, ular tutilib, peshin paytida keltirildi. U zot ularning qoʻl-oyoqlarini kesishni buyurdilar (va kesildi); koʻzlari qizdirilgan temir bilan dogʻlandi; ular Harraga tashlandi va suv soʻrasalar, ularga suv berilmadi». Abu Qiloba: «Bu kishilar oʻgʻirlik va qotillik qildi, Islomdan keyin kofir boʻldi va Alloh hamda Uning Rasuliga qarshi jang qildi», — dedi.Абу Қилоба (Анасдан) ривоят қилади: Анас деди: «Укл ёки Урайна қабиласидан баъзи кишилар Мадинага келди; унинг ҳавоси уларга тўғри келмади. Шунда Пайғамбар ﷺ уларга соғин туялар (подаси) олдига бориб, уларнинг сути ва сийдигини (дори сифатида) ичишни буюрдилар. Улар шундай қилди ва соғайгач, Пайғамбар ﷺ нинг чўпонини ўлдириб, барча туяларни ҳайдаб кетди. Хабар эрталаб Пайғамбар ﷺ га етди; у зот уларнинг орқасидан (кишилар) юбордилар, улар тутилиб, пешин пайтида келтирилди. У зот уларнинг қўл-оёқларини кесишни буюрдилар (ва кесилди); кўзлари қиздирилган темир билан доғланди; улар Ҳаррага ташланди ва сув сўрасалар, уларга сув берилмади». Абу Қилоба: «Бу кишилар ўғирлик ва қотиллик қилди, Исломдан кейин кофир бўлди ва Аллоҳ ҳамда Унинг Расулига қарши жанг қилди», — деди.