Abu Humayd as-Soidiy (roziyallohu anhu)dan rivoyat qilinadi: Paygʻambar ﷺ Azd qabilasidan — Ibn Lutbiyya degan — bir kishini zakot yigʻishga tayinladi. U (zakotni yigʻib) qaytganda: «Bu (zakot) — siz uchun va bu — menga hadya (sifatida) berildi», — dedi. Paygʻambar ﷺ: «U — oʻz otasi yoki onasining uyida oʻtirib, unga hadya beriladimi yoki yoʻqmi — koʻrsa boʻlmasmidi? Mening jonim qoʻlida boʻlgan Zotga qasamki, kim zakot (mol)idan biror narsani (nohaq) olsa, u Qiyomat kuni uni boʻyniga koʻtarib keladi: agar u tuya boʻlsa — boʻkirib, agar sigir boʻlsa — moʻrab, agar qoʻy boʻlsa — maʼrab (turadi)», — dedilar. Soʻng Paygʻambar ﷺ qoʻllarini — biz uning qoʻltigʻining oqligini koʻrgunimizcha — koʻtardi va uch marta: «Allohim! Men (ularga) Sening (risolatingni) yetkazmadimmi?» — dedilar.Абу Ҳумайд ас-Соидий (розияллоҳу анҳу)дан ривоят қилинади: Пайғамбар ﷺ Азд қабиласидан — Ибн Лутбийя деган — бир кишини закот йиғишга тайинлади. У (закотни йиғиб) қайтганда: «Бу (закот) — сиз учун ва бу — менга ҳадя (сифатида) берилди», — деди. Пайғамбар ﷺ: «У — ўз отаси ёки онасининг уйида ўтириб, унга ҳадя бериладими ёки йўқми — кўрса бўлмасмиди? Менинг жоним қўлида бўлган Зотга қасамки, ким закот (мол)идан бирор нарсани (ноҳақ) олса, у Қиёмат куни уни бўйнига кўтариб келади: агар у туя бўлса — бўкириб, агар сигир бўлса — мўраб, агар қўй бўлса — маъраб (туради)», — дедилар. Сўнг Пайғамбар ﷺ қўлларини — биз унинг қўлтиғининг оқлигини кўргунимизча — кўтарди ва уч марта: «Аллоҳим! Мен (уларга) Сенинг (рисолатингни) етказмадимми?» — дедилар.