Abdurrahmon ibn Abu Bakr (roziyallohu anhumo)dan rivoyat qilinadi: Biz Paygʻambar ﷺ bilan birga boʻlgan bir yuz oʻttiz kishi edik. U zot bizdan — birortamizda taom bormi, deb — soʻradi. Bir kishida taxminan bir soʼ bugʻdoy bor edi va u (suvga) aralashtirildi. Juda novcha bir mushrik qoʻylar haydab keldi. Paygʻambar ﷺ undan: «(Bir qoʻyni) bizga sotasanmi yoki hadya (sifatida) berasanmi?» — deb soʻradi. U: «Yoʻq, men sizga (bir qoʻyni) sotaman», — dedi. Paygʻambar ﷺ bir qoʻy sotib oldi va u soʻyildi. Paygʻambar ﷺ uning jigari va boshqa ich aʼzolarini qovurishni buyurdi. Allohga qasamki, Paygʻambar ﷺ oʻsha bir yuz oʻttiz kishining har biriga undan bir boʻlak berdi: ular orasida hozir boʻlganlarning hammasiga berdi va hozir boʻlmaganlarning ulushlarini saqlab qoʻydi. Soʻng Paygʻambar ﷺ uning goʻshtini ikki katta tovoqqa soldi va ularning hammasi toʻyib yedi hamda shundan keyin (ham) ikki tovoqda taom ortdi — u tuyaga ortildi (yoki u zot shunga oʻxshash biror narsa dedi).Абдурраҳмон ибн Абу Бакр (розияллоҳу анҳумо)дан ривоят қилинади: Биз Пайғамбар ﷺ билан бирга бўлган бир юз ўттиз киши эдик. У зот биздан — бирортамизда таом борми, деб — сўради. Бир кишида тахминан бир сў буғдой бор эди ва у (сувга) аралаштирилди. Жуда новча бир мушрик қўйлар ҳайдаб келди. Пайғамбар ﷺ ундан: «(Бир қўйни) бизга сотасанми ёки ҳадя (сифатида) берасанми?» — деб сўради. У: «Йўқ, мен сизга (бир қўйни) сотаман», — деди. Пайғамбар ﷺ бир қўй сотиб олди ва у сўйилди. Пайғамбар ﷺ унинг жигари ва бошқа ич аъзоларини қовуришни буюрди. Аллоҳга қасамки, Пайғамбар ﷺ ўша бир юз ўттиз кишининг ҳар бирига ундан бир бўлак берди: улар орасида ҳозир бўлганларнинг ҳаммасига берди ва ҳозир бўлмаганларнинг улушларини сақлаб қўйди. Сўнг Пайғамбар ﷺ унинг гўштини икки катта товоққа солди ва уларнинг ҳаммаси тўйиб еди ҳамда шундан кейин (ҳам) икки товоқда таом ортди — у туяга ортилди (ёки у зот шунга ўхшаш бирор нарса деди).