Abu Said al-Xudriy (roziyallohu anhu)dan rivoyat qilinadi: Allohning Rasuli ﷺ minbarga chiqib: «Mendan keyin sizlarga nima boʻlishi meni tashvishga solmaydi — faqat sizlarga ato qilinadigan dunyo nematlarining (vasvasa-)sinovidan boshqa», — dedi. Soʻng u zot dunyo lazzatlarini zikr qildi. U zot biri (yaʼni nemat) bilan boshlab, ikkinchisi (yaʼni lazzat)ni (ham) tilga oldi. Bir kishi (oʻrnidan) turib: «Yo Rasululloh! Yaxshilik yomonlik keltiradimi?» — dedi. Paygʻambar ﷺ jim qoldi va biz u zotga vahiy kelyapti, deb oʻyladik; shuning uchun barcha odam hayratdan (qoʻrquvdan) jim turdi. Soʻng Paygʻambar ﷺ yuzidan terni artib: «Hozir savol bergan (kishi) qani?» — dedi (va): «Sen mol-davlatni yaxshilik deb oʻylaysanmi?» — deb uch marta (takror) soʻradi va: «Shubhasiz, yaxshilik faqat yaxshilik keltiradi. Albatta, u — ariq boʻyida oʻsadigan (oʻt)dek(dir): u (oʻt) — oʻtlovchi hayvonni — meʼyordan ortiq (yeb) toʻyganligi sababli — yo oʻldiradi, yo oʻldirgudek qiladi; faqat — koʻkat yeydigan (meʼyorli) hayvon bundan mustasno: u — ikki biqini toʻlguncha (yaʼni toʻyguncha) yeb, soʻng quyoshda turib, (najas va siydigini) chiqaradi va yana oʻtlay boshlaydi. Bu dunyo moli — shirin koʻkat(dir). Musulmonning moli — agar u halol yoʻl bilan toʻplangan va Alloh yoʻlida, yetimlarga, kambagʻallarga hamda yoʻlovchilarga sarflangan boʻlsa — qanchalar yaxshi! Lekin uni halol (yoʻl) bilan olmagan kishi — hech qachon toʻymaydigan (ochkoʻz) yeguvchidek(dir) va uning moli Qiyomat kuni unga qarshi guvoh boʻladi», — dedi.Абу Саид ал-Худрий (розияллоҳу анҳу)дан ривоят қилинади: Аллоҳнинг Расули ﷺ минбарга чиқиб: «Мендан кейин сизларга нима бўлиши мени ташвишга солмайди — фақат сизларга ато қилинадиган дунё нематларининг (васваса-)синовидан бошқа», — деди. Сўнг у зот дунё лаззатларини зикр қилди. У зот бири (яъни немат) билан бошлаб, иккинчиси (яъни лаззат)ни (ҳам) тилга олди. Бир киши (ўрнидан) туриб: «Ё Расулуллоҳ! Яхшилик ёмонлик келтирадими?» — деди. Пайғамбар ﷺ жим қолди ва биз у зотга ваҳий келяпти, деб ўйладик; шунинг учун барча одам ҳайратдан (қўрқувдан) жим турди. Сўнг Пайғамбар ﷺ юзидан терни артиб: «Ҳозир савол берган (киши) қани?» — деди (ва): «Сен мол-давлатни яхшилик деб ўйлайсанми?» — деб уч марта (такрор) сўради ва: «Шубҳасиз, яхшилик фақат яхшилик келтиради. Албатта, у — ариқ бўйида ўсадиган (ўт)дек(дир): у (ўт) — ўтловчи ҳайвонни — меъёрдан ортиқ (еб) тўйганлиги сабабли — ё ўлдиради, ё ўлдиргудек қилади; фақат — кўкат ейдиган (меъёрли) ҳайвон бундан мустасно: у — икки биқини тўлгунча (яъни тўйгунча) еб, сўнг қуёшда туриб, (нажас ва сийдигини) чиқаради ва яна ўтлай бошлайди. Бу дунё моли — ширин кўкат(дир). Мусулмоннинг моли — агар у ҳалол йўл билан тўпланган ва Аллоҳ йўлида, етимларга, камбағалларга ҳамда йўловчиларга сарфланган бўлса — қанчалар яхши! Лекин уни ҳалол (йўл) билан олмаган киши — ҳеч қачон тўймайдиган (очкўз) егувчидек(дир) ва унинг моли Қиёмат куни унга қарши гувоҳ бўлади», — деди.