حَدَّثَنَا عَبْدُ اللَّهِ بْنُ مُحَمَّدٍ، حَدَّثَنَا هِشَامٌ، أَخْبَرَنَا مَعْمَرٌ، عَنِ الزُّهْرِيِّ، أَخْبَرَنِي سَالِمُ بْنُ عَبْدِ اللَّهِ، عَنِ ابْنِ عُمَرَ ـ رضى الله عنهما ـ أَنَّهُ أَخْبَرَهُ أَنَّ عُمَرَ انْطَلَقَ فِي رَهْطٍ مِنْ أَصْحَابِ النَّبِيِّ صلى الله عليه وسلم مَعَ النَّبِيِّ صلى الله عليه وسلم قِبَلَ ابْنِ صَيَّادٍ حَتَّى وَجَدُوهُ يَلْعَبُ مَعَ الْغِلْمَانِ عِنْدَ أُطُمِ بَنِي مَغَالَةَ، وَقَدْ قَارَبَ يَوْمَئِذٍ ابْنُ صَيَّادٍ يَحْتَلِمُ، فَلَمْ يَشْعُرْ حَتَّى ضَرَبَ النَّبِيُّ صلى الله عليه وسلم ظَهْرَهُ بِيَدِهِ ثُمَّ قَالَ النَّبِيُّ صلى الله عليه وسلم " أَتَشْهَدُ أَنِّي رَسُولُ اللَّهِ صلى الله عليه وسلم ". فَنَظَرَ إِلَيْهِ ابْنُ صَيَّادٍ فَقَالَ أَشْهَدُ أَنَّكَ رَسُولُ الأُمِّيِّينَ. فَقَالَ ابْنُ صَيَّادٍ لِلنَّبِيِّ صلى الله عليه وسلم أَتَشْهَدُ أَنِّي رَسُولُ اللَّهِ. قَالَ لَهُ النَّبِيُّ صلى الله عليه وسلم " آمَنْتُ بِاللَّهِ وَرُسُلِهِ " قَالَ النَّبِيُّ صلى الله عليه وسلم " مَاذَا تَرَى ". قَالَ ابْنُ صَيَّادٍ يَأْتِينِي صَادِقٌ وَكَاذِبٌ. قَالَ النَّبِيُّ صلى الله عليه وسلم " خُلِطَ عَلَيْكَ الأَمْرُ ". قَالَ النَّبِيُّ صلى الله عليه وسلم " إِنِّي قَدْ خَبَأْتُ لَكَ خَبِيئًا ". قَالَ ابْنُ صَيَّادٍ هُوَ الدُّخُّ. قَالَ النَّبِيُّ صلى الله عليه وسلم " اخْسَأْ فَلَنْ تَعْدُوَ قَدْرَكَ ". قَالَ عُمَرُ يَا رَسُولَ اللَّهِ، ائْذَنْ لِي فِيهِ أَضْرِبْ عُنُقَهُ. قَالَ النَّبِيُّ صلى الله عليه وسلم " إِنْ يَكُنْهُ فَلَنْ تُسَلَّطَ عَلَيْهِ، وَإِنْ لَمْ يَكُنْهُ فَلاَ خَيْرَ لَكَ فِي قَتْلِهِ ".
Ibn Umar (roziyallohu anhumo)dan rivoyat qilinadi: Umar va Paygʻambar ﷺ ning bir guruh sahobalari u zot bilan birga Ibn Sayyodning oldiga yoʻl oldi. U zot uni — Bani Magʻola tepaliklari yonida baʼzi bolalar bilan oʻynayotgan holatda — topdi. Ibn Sayyod oʻshanda balogʻat yoshiga yaqinlashgan edi. U — to Paygʻambar ﷺ qoʻli bilan uning orqasiga urguncha — (u zotning kelganini) sezmadi. U zot: «Ibn Sayyod! Sen mening — Allohning Rasuli ekanimga — guvohlik berasanmi?» — dedi. Ibn Sayyod unga qarab: «Men sening — ummiylarning (savodsizlarning) Rasuli ekaningga — guvohlik beraman», — dedi. Soʻng Ibn Sayyod Paygʻambar ﷺ dan: «Sen mening — Allohning rasuli ekanimga — guvohlik berasanmi?» — deb soʻradi. Paygʻambar ﷺ unga: «Men Allohga va Uning rasullariga iymon keltirdim», — dedi. Soʻng Paygʻambar ﷺ (Ibn Sayyodga): «Sen nima koʻryapsan?» — dedi. Ibn Sayyod: «Mening oldimga rost (kishilar) va yolgʻon(chi)lar keladi», — deb javob berdi. Paygʻambar ﷺ: «Bu ishda sening aqling chalkashib qolgan», — dedi. Paygʻambar ﷺ: «Men sen uchun (koʻnglimda) bir narsa (yashirib) saqladim», — deb qoʻshdi. Ibn Sayyod: «U — ad-Duxa (tutun)», — dedi. Paygʻambar ﷺ (unga): «Yoʻqol! Sen oʻz (hadding) chegarangdan oʻta olmaysan», — dedi. Shunda Umar: «Yo Rasululloh! Menga ruxsat bering, uning boshini uzib tashlay», — dedi. Paygʻambar ﷺ: «Agar u oʻsha (Dajjol) boʻlsa, sen uning ustidan gʻolib kela olmaysan; agar u (Dajjol) boʻlmasa, uni oʻldirishdan senga foyda yoʻq», — dedi.Ибн Умар (розияллоҳу анҳумо)дан ривоят қилинади: Умар ва Пайғамбар ﷺ нинг бир гуруҳ саҳобалари у зот билан бирга Ибн Сайёднинг олдига йўл олди. У зот уни — Бани Мағола тепаликлари ёнида баъзи болалар билан ўйнаётган ҳолатда — топди. Ибн Сайёд ўшанда балоғат ёшига яқинлашган эди. У — то Пайғамбар ﷺ қўли билан унинг орқасига ургунча — (у зотнинг келганини) сезмади. У зот: «Ибн Сайёд! Сен менинг — Аллоҳнинг Расули эканимга — гувоҳлик берасанми?» — деди. Ибн Сайёд унга қараб: «Мен сенинг — уммийларнинг (саводсизларнинг) Расули эканингга — гувоҳлик бераман», — деди. Сўнг Ибн Сайёд Пайғамбар ﷺ дан: «Сен менинг — Аллоҳнинг расули эканимга — гувоҳлик берасанми?» — деб сўради. Пайғамбар ﷺ унга: «Мен Аллоҳга ва Унинг расулларига иймон келтирдим», — деди. Сўнг Пайғамбар ﷺ (Ибн Сайёдга): «Сен нима кўряпсан?» — деди. Ибн Сайёд: «Менинг олдимга рост (кишилар) ва ёлғон(чи)лар келади», — деб жавоб берди. Пайғамбар ﷺ: «Бу ишда сенинг ақлинг чалкашиб қолган», — деди. Пайғамбар ﷺ: «Мен сен учун (кўнглимда) бир нарса (яшириб) сақладим», — деб қўшди. Ибн Сайёд: «У — ад-Духа (тутун)», — деди. Пайғамбар ﷺ (унга): «Йўқол! Сен ўз (ҳаддинг) чегарангдан ўта олмайсан», — деди. Шунда Умар: «Ё Расулуллоҳ! Менга рухсат беринг, унинг бошини узиб ташлай», — деди. Пайғамбар ﷺ: «Агар у ўша (Дажжол) бўлса, сен унинг устидан ғолиб кела олмайсан; агар у (Дажжол) бўлмаса, уни ўлдиришдан сенга фойда йўқ», — деди.