Ummu Xolid (Xolid ibn Saidning qizi) (roziyallohu anho)dan rivoyat qilinadi: Men otam bilan birga Allohning Rasuli ﷺ ning oldiga bordim va men sariq koʻylak kiygan edim. Allohning Rasuli ﷺ: «Sanah, Sanah!» — dedi (Rivoyatchi Abdulloh: «‹Sanah› — habash tilida ‹yaxshi› (degani)», — dedi). Soʻng men (Paygʻambar ﷺ ning ikki yelkasi orasidagi) nubuvvat muhri bilan oʻynay boshladim va otam meni buning uchun qattiq koyidi. Allohning Rasuli ﷺ: «Uni qoʻyib ber», — dedi. Soʻng Allohning Rasuli ﷺ (menga uzoq umr (soʻrab) duo qilib): «Bu (koʻylak)ni — eskirguncha kiy, soʻng (yana) eskirguncha kiy, soʻng (yana) eskirguncha kiy», — deb (uch marta) aytdi (Rivoyatchi qoʻshdi: «Aytishlaricha, u uzoq umr koʻrgan — oʻsha (sariq) koʻylakni, uzoq kiyilgani sababli rangi qoraylguncha kiygan»).Умму Холид (Холид ибн Саиднинг қизи) (розияллоҳу анҳо)дан ривоят қилинади: Мен отам билан бирга Аллоҳнинг Расули ﷺ нинг олдига бордим ва мен сариқ кўйлак кийган эдим. Аллоҳнинг Расули ﷺ: «Санаҳ, Санаҳ!» — деди (Ривоятчи Абдуллоҳ: «‹Санаҳ› — ҳабаш тилида ‹яхши› (дегани)», — деди). Сўнг мен (Пайғамбар ﷺ нинг икки елкаси орасидаги) нубувват муҳри билан ўйнай бошладим ва отам мени бунинг учун қаттиқ койиди. Аллоҳнинг Расули ﷺ: «Уни қўйиб бер», — деди. Сўнг Аллоҳнинг Расули ﷺ (менга узоқ умр (сўраб) дуо қилиб): «Бу (кўйлак)ни — эскиргунча кий, сўнг (яна) эскиргунча кий, сўнг (яна) эскиргунча кий», — деб (уч марта) айтди (Ривоятчи қўшди: «Айтишларича, у узоқ умр кўрган — ўша (сариқ) кўйлакни, узоқ кийилгани сабабли ранги қорайлгунча кийган»).