Anas ibn Molik (roziyallohu anhu)dan rivoyat qilinadi: Biz Usfondan qaytayotganimizda Paygʻambar ﷺ bilan birga edik va Allohning Rasuli ﷺ — Safiyya bint Huyayni oʻz orqasiga mingashtirgan holda — urgʻochi tuyasiga minib (ketayotgan) edi. Uning urgʻochi tuyasi sirgʻanib (ketdi) va ikkalasi (yerga) yiqildi. Abu Talha oʻz tuyasidan sakrab tushib: «Yo Rasululloh! Alloh meni sizga fido qilsin!» — dedi. Paygʻambar ﷺ: «Ayoldan xabar ol», — dedi. Bas, Abu Talha yuzini bir kiyim bilan yopib, Safiyyaning oldiga bordi va uni u (kiyim) bilan yopdi, soʻng ularning urgʻochi tuyasining holatini toʻgʻirladi — toki ikkalasi (ham) mindi; biz esa Allohning Rasuli ﷺ ni — qoplagandek — oʻrab oldik. Biz Madinaga yaqinlashganimizda, Paygʻambar ﷺ: «Biz — tavba qilib, ibodat qilib va Robbimizga hamd aytib — qaytmoqdamiz», — dedi. U zot — to Madinaga kirguncha — buni aytishda davom etdi.Анас ибн Молик (розияллоҳу анҳу)дан ривоят қилинади: Биз Усфондан қайтаётганимизда Пайғамбар ﷺ билан бирга эдик ва Аллоҳнинг Расули ﷺ — Сафийя бинт Ҳуяйни ўз орқасига мингаштирган ҳолда — урғочи туясига миниб (кетаётган) эди. Унинг урғочи туяси сирғаниб (кетди) ва иккаласи (ерга) йиқилди. Абу Талҳа ўз туясидан сакраб тушиб: «Ё Расулуллоҳ! Аллоҳ мени сизга фидо қилсин!» — деди. Пайғамбар ﷺ: «Аёлдан хабар ол», — деди. Бас, Абу Талҳа юзини бир кийим билан ёпиб, Сафийянинг олдига борди ва уни у (кийим) билан ёпди, сўнг уларнинг урғочи туясининг ҳолатини тўғирлади — токи иккаласи (ҳам) минди; биз эса Аллоҳнинг Расули ﷺ ни — қоплагандек — ўраб олдик. Биз Мадинага яқинлашганимизда, Пайғамбар ﷺ: «Биз — тавба қилиб, ибодат қилиб ва Роббимизга ҳамд айтиб — қайтмоқдамиз», — деди. У зот — то Мадинага киргунча — буни айтишда давом этди.