حَدَّثَنَا مُحَمَّدُ بْنُ كَثِيرٍ، أَخْبَرَنَا سُفْيَانُ، عَنِ الأَعْمَشِ، عَنْ إِبْرَاهِيمَ التَّيْمِيِّ، عَنْ أَبِيهِ، عَنْ عَلِيٍّ ـ رضى الله عنه ـ قَالَ مَا كَتَبْنَا عَنِ النَّبِيِّ صلى الله عليه وسلم إِلاَّ الْقُرْآنَ، وَمَا فِي هَذِهِ الصَّحِيفَةِ، قَالَ النَّبِيُّ صلى الله عليه وسلم " الْمَدِينَةُ حَرَامٌ مَا بَيْنَ عَائِرٍ إِلَى كَذَا، فَمَنْ أَحْدَثَ حَدَثًا، أَوْ آوَى مُحْدِثًا، فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ، لاَ يُقْبَلُ مِنْهُ عَدْلٌ وَلاَ صَرْفٌ، وَذِمَّةُ الْمُسْلِمِينَ وَاحِدَةٌ يَسْعَى بِهَا أَدْنَاهُمْ. فَمَنْ أَخْفَرَ مُسْلِمًا فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ، لاَ يُقْبَلُ مِنْهُ صَرْفٌ وَلاَ عَدْلٌ، وَمَنْ وَالَى قَوْمًا بِغَيْرِ إِذْنِ مَوَالِيهِ فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ، لاَ يُقْبَلُ مِنْهُ صَرْفٌ وَلاَ عَدْلٌ ".
Ali (roziyallohu anhu)dan rivoyat qilinadi: Biz Paygʻambar ﷺ dan — Qurʼon va mana shu qogʻozda yozilgan (narsa)dan boshqa — hech narsa yozmadik; (oʻsha qogʻozda) Paygʻambar ﷺ: «Madina — Ayr (togʻi)dan to falon (togʻ)gacha — haram (muqaddas)dir. Bas, kim unda biror bidʼat (yangilik) chiqarsa yoki gunoh qilsa yoki bunday bidʼatchiga panoh bersa, unga — Allohning, farishtalarning va barcha odamlarning laʼnati boʻladi; uning na farz, na nafl ibodatlari qabul qilinadi. Va har qanday musulmon bergan panoh — barcha musulmonlar tomonidan taʼminlanishi (hurmat qilinishi) kerak — garchi uni ular orasidagi eng past (ijtimoiy) mavqedagi kishi bergan boʻlsa ham. Kim bu borada bir musulmonga xiyonat qilsa, unga — Allohning, farishtalarning va barcha odamlarning laʼnati boʻladi va uning na farz, na nafl ibodatlari qabul qilinadi. Va har qanday ozod qilingan qul — uni ozod qilgan oʻzining haqiqiy xoʻjayinlarining ruxsatisiz, ulardan boshqa kishilarni xoʻjayin (deb) tutsa, unga — Allohning, farishtalarning va barcha odamlarning laʼnati boʻladi va uning na farz, na nafl ibodatlari qabul qilinadi», — dedi.Али (розияллоҳу анҳу)дан ривоят қилинади: Биз Пайғамбар ﷺ дан — Қуръон ва мана шу қоғозда ёзилган (нарса)дан бошқа — ҳеч нарса ёзмадик; (ўша қоғозда) Пайғамбар ﷺ: «Мадина — Айр (тоғи)дан то фалон (тоғ)гача — ҳарам (муқаддас)дир. Бас, ким унда бирор бидъат (янгилик) чиқарса ёки гуноҳ қилса ёки бундай бидъатчига паноҳ берса, унга — Аллоҳнинг, фаришталарнинг ва барча одамларнинг лаънати бўлади; унинг на фарз, на нафл ибодатлари қабул қилинади. Ва ҳар қандай мусулмон берган паноҳ — барча мусулмонлар томонидан таъминланиши (ҳурмат қилиниши) керак — гарчи уни улар орасидаги энг паст (ижтимоий) мавқедаги киши берган бўлса ҳам. Ким бу борада бир мусулмонга хиёнат қилса, унга — Аллоҳнинг, фаришталарнинг ва барча одамларнинг лаънати бўлади ва унинг на фарз, на нафл ибодатлари қабул қилинади. Ва ҳар қандай озод қилинган қул — уни озод қилган ўзининг ҳақиқий хўжайинларининг рухсатисиз, улардан бошқа кишиларни хўжайин (деб) туца, унга — Аллоҳнинг, фаришталарнинг ва барча одамларнинг лаънати бўлади ва унинг на фарз, на нафл ибодатлари қабул қилинади», — деди.