قَالَ وَقَالَ ابْنُ كَثِيرٍ عَنْ سُفْيَانَ، عَنْ أَبِيهِ، عَنِ ابْنِ أَبِي نُعْمٍ، عَنْ أَبِي سَعِيدٍ ـ رضى الله عنه ـ قَالَ بَعَثَ عَلِيٌّ ـ رضى الله عنه ـ إِلَى النَّبِيِّ صلى الله عليه وسلم بِذُهَيْبَةٍ فَقَسَمَهَا بَيْنَ الأَرْبَعَةِ الأَقْرَعِ بْنِ حَابِسٍ الْحَنْظَلِيِّ ثُمَّ الْمُجَاشِعِيِّ، وَعُيَيْنَةَ بْنِ بَدْرٍ الْفَزَارِيِّ، وَزَيْدٍ الطَّائِيِّ ثُمَّ أَحَدِ بَنِي نَبْهَانَ، وَعَلْقَمَةَ بْنِ عُلاَثَةَ الْعَامِرِيِّ ثُمَّ أَحَدِ بَنِي كِلاَبٍ، فَغَضِبَتْ قُرَيْشٌ وَالأَنْصَارُ، قَالُوا يُعْطِي صَنَادِيدَ أَهْلِ نَجْدٍ وَيَدَعُنَا. قَالَ " إِنَّمَا أَتَأَلَّفُهُمْ ". فَأَقْبَلَ رَجُلٌ غَائِرُ الْعَيْنَيْنِ مُشْرِفُ الْوَجْنَتَيْنِ، نَاتِئُ الْجَبِينِ، كَثُّ اللِّحْيَةِ، مَحْلُوقٌ فَقَالَ اتَّقِ اللَّهَ يَا مُحَمَّدُ. فَقَالَ " مَنْ يُطِعِ اللَّهَ إِذَا عَصَيْتُ، أَيَأْمَنُنِي اللَّهُ عَلَى أَهْلِ الأَرْضِ فَلاَ تَأْمَنُونِي ". فَسَأَلَهُ رَجُلٌ قَتْلَهُ ـ أَحْسِبُهُ خَالِدَ بْنَ الْوَلِيدِ ـ فَمَنَعَهُ، فَلَمَّا وَلَّى قَالَ " إِنَّ مِنْ ضِئْضِئِ هَذَا ـ أَوْ فِي عَقِبِ هَذَا ـ قَوْمٌ يَقْرَءُونَ الْقُرْآنَ، لاَ يُجَاوِزُ حَنَاجِرَهُمْ، يَمْرُقُونَ مِنَ الدِّينِ مُرُوقَ السَّهْمِ مِنَ الرَّمِيَّةِ، يَقْتُلُونَ أَهْلَ الإِسْلاَمِ، وَيَدَعُونَ أَهْلَ الأَوْثَانِ، لَئِنْ أَنَا أَدْرَكْتُهُمْ لأَقْتُلَنَّهُمْ قَتْلَ عَادٍ ".
Abu Said (roziyallohu anhu)dan rivoyat qilinadi: Ali Paygʻambar ﷺ ga bir parcha oltin yubordi va u zot uni toʻrt kishiga taqsimladi: Mujashi qabilasidan Aqra ibn Hobis al-Hanzaliyga, Uyayna ibn Badr al-Fazoriyga, Bani Nahbon (qabilasi)ga mansub Zayd at-Toiyga va Bani Kilob (qabilasi)ga mansub Alqama ibn Ulosa al-Omiriyga. Shunda Quraysh va ansorlar gʻazablanib: «U (yaʼni Paygʻambar ﷺ) Najd boshliqlariga beradi-yu, bizga bermaydi», — dedi. Paygʻambar ﷺ: «(Men ularga) — ularning qalbini (Islomga) jalb qilish uchun — (beraman)», — dedi. Soʻng — koʻzlari ichiga botgan, yonoqlari boʻrtgan, peshonasi koʻtarilgan, soqoli quyuq va boshi qirtishlangan — bir kishi (Paygʻambar ﷺ ning oldiga) kelib: «Allohdan qoʻrq, ey Muhammad!» — dedi. Paygʻambar ﷺ: «Agar men Allohga itoatsizlik qilsam, kim Allohga itoat qiladi? (Adolatdanmi:) Alloh meni yer yuzidagi barcha odamlarga ishongan, sizlar esa menga ishonmaysizmi?» — dedi. Kimdir — menimcha, Xolid ibn Validdir — Paygʻambar ﷺ dan oʻsha kishining boshini chopib tashlashga ruxsat soʻradi, lekin u zot uni man qildi. U kishi ketganda, Paygʻambar ﷺ: «Bu kishining naslidan — Qurʼonni oʻqiydigan, lekin Qurʼon ularning boʻgʻzidan oʻtmaydigan (yaʼni toʻtiqushdek oʻqib, uni tushunmaydigan va unga amal qilmaydigan) baʼzilar (chiqadi); va ular — oʻq ovning tanasidan oʻtib ketgandek — dindan chiqib ketadi. Ular musulmonlarni oʻldiradi, lekin butparastlarga tegmaydi. Agar men ularning zamonigacha yashasam, men ularni — Od qavmi oʻldirilgandek — oʻldiraman (yaʼni hammasini oʻldiraman)», — dedi.Абу Саид (розияллоҳу анҳу)дан ривоят қилинади: Али Пайғамбар ﷺ га бир парча олтин юборди ва у зот уни тўрт кишига тақсимлади: Мужаши қабиласидан Ақра ибн Ҳобис ал-Ҳанзалийга, Уяйна ибн Бадр ал-Фазорийга, Бани Наҳбон (қабиласи)га мансуб Зайд ат-Тоийга ва Бани Килоб (қабиласи)га мансуб Алқама ибн Улоса ал-Омирийга. Шунда Қурайш ва ансорлар ғазабланиб: «У (яъни Пайғамбар ﷺ) Нажд бошлиқларига беради-ю, бизга бермайди», — деди. Пайғамбар ﷺ: «(Мен уларга) — уларнинг қалбини (Исломга) жалб қилиш учун — (бераман)», — деди. Сўнг — кўзлари ичига ботган, ёноқлари бўртган, пешонаси кўтарилган, соқоли қуюқ ва боши қиртишланган — бир киши (Пайғамбар ﷺ нинг олдига) келиб: «Аллоҳдан қўрқ, эй Муҳаммад!» — деди. Пайғамбар ﷺ: «Агар мен Аллоҳга итоацизлик қилсам, ким Аллоҳга итоат қилади? (Адолатданми:) Аллоҳ мени ер юзидаги барча одамларга ишонган, сизлар эса менга ишонмайсизми?» — деди. Кимдир — менимча, Холид ибн Валиддир — Пайғамбар ﷺ дан ўша кишининг бошини чопиб ташлашга рухсат сўради, лекин у зот уни ман қилди. У киши кетганда, Пайғамбар ﷺ: «Бу кишининг наслидан — Қуръонни ўқийдиган, лекин Қуръон уларнинг бўғзидан ўтмайдиган (яъни тўтиқушдек ўқиб, уни тушунмайдиган ва унга амал қилмайдиган) баъзилар (чиқади); ва улар — ўқ овнинг танасидан ўтиб кетгандек — диндан чиқиб кетади. Улар мусулмонларни ўлдиради, лекин бутпарастларга тегмайди. Агар мен уларнинг замонигача яшасам, мен уларни — Од қавми ўлдирилгандек — ўлдираман (яъни ҳаммасини ўлдираман)», — деди.