حَدَّثَنَا مُحَمَّدُ بْنُ بَشَّارٍ، حَدَّثَنَا ابْنُ أَبِي عَدِيٍّ، عَنْ شُعْبَةَ،. حَدَّثَنِي بِشْرُ بْنُ خَالِدٍ، حَدَّثَنَا مُحَمَّدٌ، عَنْ شُعْبَةَ، عَنْ سُلَيْمَانَ، سَمِعْتُ أَبَا وَائِلٍ، يُحَدِّثُ عَنْ حُذَيْفَةَ، أَنَّ عُمَرَ بْنَ الْخَطَّابِ ـ رضى الله عنه ـ قَالَ أَيُّكُمْ يَحْفَظُ قَوْلَ رَسُولِ اللَّهِ صلى الله عليه وسلم فِي الْفِتْنَةِ فَقَالَ حُذَيْفَةُ أَنَا أَحْفَظُ كَمَا قَالَ. قَالَ هَاتِ إِنَّكَ لَجَرِيءٌ. قَالَ رَسُولُ اللَّهِ صلى الله عليه وسلم " فِتْنَةُ الرَّجُلِ فِي أَهْلِهِ وَمَالِهِ وَجَارِهِ تُكَفِّرُهَا الصَّلاَةُ وَالصَّدَقَةُ وَالأَمْرُ بِالْمَعْرُوفِ وَالنَّهْىُ عَنِ الْمُنْكَرِ ". قَالَ لَيْسَتْ هَذِهِ، وَلَكِنِ الَّتِي تَمُوجُ كَمَوْجِ الْبَحْرِ. قَالَ يَا أَمِيرَ الْمُؤْمِنِينَ لاَ بَأْسَ عَلَيْكَ مِنْهَا، إِنَّ بَيْنَكَ وَبَيْنَهَا بَابًا مُغْلَقًا. قَالَ يُفْتَحُ الْبَابُ أَوْ يُكْسَرُ قَالَ لاَ بَلْ يُكْسَرُ. قَالَ ذَاكَ أَحْرَى أَنْ لاَ يُغْلَقَ. قُلْنَا عَلِمَ الْبَابَ قَالَ نَعَمْ، كَمَا أَنَّ دُونَ غَدٍ اللَّيْلَةَ، إِنِّي حَدَّثْتُهُ حَدِيثًا لَيْسَ بِالأَغَالِيطِ. فَهِبْنَا أَنْ نَسْأَلَهُ، وَأَمَرْنَا مَسْرُوقًا، فَسَأَلَهُ فَقَالَ مَنِ الْبَابُ قَالَ عُمَرُ.
Huzayfa (roziyallohu anhu)dan rivoyat qilinadi: Bir marta Umar ibn Xattob: «Sizlardan kim Allohning Rasuli ﷺ ning fitnalar haqidagi soʻzini eslaydi?» — dedi. Huzayfa: «Men u zot aytgan (gap)ni aniq eslayman», — deb javob berdi. Umar: «(Bizga) ayt — sen, haqiqatan, jasur kishisan!» — dedi. Huzayfa: «Allohning Rasuli ﷺ: ‹Kishining — oilasi, mol-mulki va qoʻshnilariga (boʻlgan munosabati)dagi fitnalari (yaʼni xato-gunohlari) — uning namozi, sadaqasi va yaxshilikka buyurib, yomonlikdan qaytarishi bilan kafforat (yuvilishi) boʻladi›, — dedi», — dedi. Umar: «Men bu fitnalarni (nazarda tutmayapman), balki — dengiz toʻlqinlaridek koʻtarilib-pasayib turadigan fitnalarni (nazarda tutyapman)», — dedi. Huzayfa: «Ey moʻminlar amiri! Sen u (fitnalar)dan qoʻrqmasliging (kerak) — chunki sen bilan ular oʻrtasida yopiq bir eshik bor», — deb javob berdi. Umar: «Oʻsha eshik ochiladimi yoki sindiriladimi?» — deb soʻradi. Huzayfa: «Yoʻq, u sindiriladi», — deb javob berdi. Umar: «Unday boʻlsa, ehtimol, oʻsha eshik boshqa hech qachon yopilmaydi», — dedi. Keyinroq odamlar Huzayfadan: «Umar oʻsha eshik nimani anglatishini bilarmidi?» — deb soʻradi. U: «Ha, Umar buni — har kim ertangi tongdan oldin kecha boʻlishini bilganidek — bilardi. Men Umarga sahih (ishonchli) bir rivoyatni aytdim, yolgʻon emas», — dedi. Biz Huzayfadan (eshik haqida) soʻrashga botina olmadik; shu sabab biz Masruqdan soʻrashni iltimos qildik. U (Masruq) undan: «Eshik nimani anglatadi?» — deb soʻradi. U: «Umar(ning oʻzi)», — deb javob berdi.Ҳузайфа (розияллоҳу анҳу)дан ривоят қилинади: Бир марта Умар ибн Хаттоб: «Сизлардан ким Аллоҳнинг Расули ﷺ нинг фитналар ҳақидаги сўзини эслайди?» — деди. Ҳузайфа: «Мен у зот айтган (гап)ни аниқ эслайман», — деб жавоб берди. Умар: «(Бизга) айт — сен, ҳақиқатан, жасур кишисан!» — деди. Ҳузайфа: «Аллоҳнинг Расули ﷺ: ‹Кишининг — оиласи, мол-мулки ва қўшниларига (бўлган муносабати)даги фитналари (яъни хато-гуноҳлари) — унинг намози, садақаси ва яхшиликка буюриб, ёмонликдан қайтариши билан каффорат (ювилиши) бўлади›, — деди», — деди. Умар: «Мен бу фитналарни (назарда тутмаяпман), балки — денгиз тўлқинларидек кўтарилиб-пасайиб турадиган фитналарни (назарда тутяпман)», — деди. Ҳузайфа: «Эй мўминлар амири! Сен у (фитналар)дан қўрқмаслигинг (керак) — чунки сен билан улар ўртасида ёпиқ бир эшик бор», — деб жавоб берди. Умар: «Ўша эшик очиладими ёки синдириладими?» — деб сўради. Ҳузайфа: «Йўқ, у синдирилади», — деб жавоб берди. Умар: «Ундай бўлса, эҳтимол, ўша эшик бошқа ҳеч қачон ёпилмайди», — деди. Кейинроқ одамлар Ҳузайфадан: «Умар ўша эшик нимани англатишини билармиди?» — деб сўради. У: «Ҳа, Умар буни — ҳар ким эртанги тонгдан олдин кеча бўлишини билганидек — биларди. Мен Умарга саҳиҳ (ишончли) бир ривоятни айтдим, ёлғон эмас», — деди. Биз Ҳузайфадан (эшик ҳақида) сўрашга ботина олмадик; шу сабаб биз Масруқдан сўрашни илтимос қилдик. У (Масруқ) ундан: «Эшик нимани англатади?» — деб сўради. У: «Умар(нинг ўзи)», — деб жавоб берди.