(Abu Muso (roziyallohu anhu) aytdi:) Men Paygʻambar ﷺning oldilarida edim — u zot Makka bilan Madina orasida Jiʼrona(degan joy)da tushgan edilar, u zot bilan Bilol bor edi. Paygʻambar ﷺning oldilariga bir aʼrobiy (sahroyi arab) kelib: «Menga vaʼda qilganingni bajarmaysanmi?» dedi. U zot unga: «Suyunchi (xushxabar qabul qil)», dedilar. U: «Sen menga ‹suyunchi›ni koʻp aytding», dedi. Shunda u zot Abu Muso va Bilolga — gʻazablangandek holda — yuzlanib: «U xushxabarni rad qildi; ikkovingiz qabul qilinglar», dedilar. Ular: «Qabul qildik», dedilar. Soʻng u zot ichida suv boʻ lgan bir idish soʻrab, unda ikki qoʻ li va yuzini yuvdilar, unga (suv) purkadilar (chaydilar), soʻng: «Undan ichinglar va yuzlaringizga, koʻkragingizga quyinglar, hamda xushxabarni (qabul) qilinglar», dedilar. Ikkovi idishni olib (shunday) qildi. Ummu Salama parda ortidan: «Onangiz (men) uchun ham (bir qism) ortdiringlar», deb nido qildi. Shunda ular undan unga bir qism (suv) ortdirdilar.(Абу Мусо (розияллоҳу анҳу) айтди:) Мен Пайғамбар ﷺнинг олдиларида эдим — у зот Макка билан Мадина орасида Жиърона(деган жой)да тушган эдилар, у зот билан Билол бор эди. Пайғамбар ﷺнинг олдиларига бир аъробий (саҳройи араб) келиб: «Менга ваъда қилганингни бажармайсанми?» деди. У зот унга: «Суюнчи (хушхабар қабул қил)», дедилар. У: «Сен менга ‹суюнчи›ни кўп айтдинг», деди. Шунда у зот Абу Мусо ва Билолга — ғазаблангандек ҳолда — юзланиб: «У хушхабарни рад қилди; икковингиз қабул қилинглар», дедилар. Улар: «Қабул қилдик», дедилар. Сўнг у зот ичида сув бў лган бир идиш сўраб, унда икки қў ли ва юзини ювдилар, унга (сув) пуркадилар (чайдилар), сўнг: «Ундан ичинглар ва юзларингизга, кўкрагингизга қуйинглар, ҳамда хушхабарни (қабул) қилинглар», дедилар. Иккови идишни олиб (шундай) қилди. Умму Салама парда ортидан: «Онангиз (мен) учун ҳам (бир қисм) ортдиринглар», деб нидо қилди. Шунда улар ундан унга бир қисм (сув) ортдирдилар.