حَدَّثَنِي إِسْحَاقُ بْنُ مَنْصُورٍ، حَدَّثَنَا أَبُو أُسَامَةَ، حَدَّثَنَا عُبَيْدُ اللَّهِ بْنُ عُمَرَ، عَنْ سَعِيدِ بْنِ أَبِي سَعِيدٍ، عَنْ أَبِي هُرَيْرَةَ، أَنَّ رَجُلاً، دَخَلَ الْمَسْجِدَ يُصَلِّي وَرَسُولُ اللَّهِ صلى الله عليه وسلم فِي نَاحِيَةِ الْمَسْجِدِ، فَجَاءَ فَسَلَّمَ عَلَيْهِ فَقَالَ لَهُ " ارْجِعْ فَصَلِّ، فَإِنَّكَ لَمْ تُصَلِّ ". فَرَجَعَ فَصَلَّى، ثُمَّ سَلَّمَ فَقَالَ " وَعَلَيْكَ، ارْجِعْ فَصَلِّ، فَإِنَّكَ لَمْ تُصَلِّ ". قَالَ فِي الثَّالِثَةِ فَأَعْلِمْنِي. قَالَ " إِذَا قُمْتَ إِلَى الصَّلاَةِ فَأَسْبِغِ الْوُضُوءَ، ثُمَّ اسْتَقْبِلِ الْقِبْلَةَ فَكَبِّرْ، وَاقْرَأْ بِمَا تَيَسَّرَ مَعَكَ مِنَ الْقُرْآنِ، ثُمَّ ارْكَعْ حَتَّى تَطْمَئِنَّ رَاكِعًا، ثُمَّ ارْفَعْ رَأْسَكَ حَتَّى تَعْتَدِلَ قَائِمًا، ثُمَّ اسْجُدْ حَتَّى تَطْمَئِنَّ، سَاجِدًا ثُمَّ ارْفَعْ حَتَّى تَسْتَوِيَ وَتَطْمَئِنَّ جَالِسًا، ثُمَّ اسْجُدْ حَتَّى تَطْمَئِنَّ سَاجِدًا، ثُمَّ ارْفَعْ حَتَّى تَسْتَوِيَ قَائِمًا، ثُمَّ افْعَلْ ذَلِكَ فِي صَلاَتِكَ كُلِّهَا ".
(Abu Hurayra (roziyallohu anhu)dan rivoyat qilinadiki,) Bir kishi masjidga kirib namoz oʻqidi — Rasululloh ﷺ masjidning bir chetida (oʻtirgan) edilar. (Namozdan keyin) u kelib, u zotga salom berdi. U zot unga: «Qaytib (yana) namoz oʻqi; chunki sen namoz oʻqimading», dedilar. U qaytib namoz oʻqidi, soʻng salom berdi. U zot: «Va alayka (senga ham salom); qaytib namoz oʻqi; chunki sen namoz oʻqimading», dedilar. (U) uchinchisida: «(Boʻlmasa) menga (oʻrgatib) bildiring», dedi. U zot: «Namozga turganingda, taharatni mukammal (toʻkis) qil; soʻng qiblaga yuzlanib, takbir ayt; Qurʼondan oʻzingga oson boʻlganini oʻqi; soʻng rukuʼ qil — toki rukuʼda (oʻzingni) bosib (xotirjam) turguningcha; soʻng boshingni koʻtar — toki tik turib (qadingni) rostlaguningcha; soʻng sajda qil — toki sajdada (oʻzingni) bosguningcha; soʻng (boshingni) koʻtar — toki rostlanib, oʻtirib (xotirjam) boʻlguningcha; soʻng (yana) sajda qil — toki sajdada (oʻzingni) bosguningcha; soʻng (boshingni) koʻtar — toki tik turib rostlaguningcha; soʻng buni butun namozingda (shunday) qil», dedilar.(Абу Ҳурайра (розияллоҳу анҳу)дан ривоят қилинадики,) Бир киши масжидга кириб намоз ўқиди — Расулуллоҳ ﷺ масжиднинг бир четида (ўтирган) эдилар. (Намоздан кейин) у келиб, у зотга салом берди. У зот унга: «Қайтиб (яна) намоз ўқи; чунки сен намоз ўқимадинг», дедилар. У қайтиб намоз ўқиди, сўнг салом берди. У зот: «Ва алайка (сенга ҳам салом); қайтиб намоз ўқи; чунки сен намоз ўқимадинг», дедилар. (У) учинчисида: «(Бўлмаса) менга (ўргатиб) билдиринг», деди. У зот: «Намозга турганингда, таҳаратни мукаммал (тўкис) қил; сўнг қиблага юзланиб, такбир айт; Қуръондан ўзингга осон бўлганини ўқи; сўнг рукуъ қил — токи рукуъда (ўзингни) босиб (хотиржам) тургунингча; сўнг бошингни кўтар — токи тик туриб (қадингни) ростлагунингча; сўнг сажда қил — токи саждада (ўзингни) босгунингча; сўнг (бошингни) кўтар — токи ростланиб, ўтириб (хотиржам) бўлгунингча; сўнг (яна) сажда қил — токи саждада (ўзингни) босгунингча; сўнг (бошингни) кўтар — токи тик туриб ростлагунингча; сўнг буни бутун намозингда (шундай) қил», дедилар.