Abu Said al-Xudriy (roziyallohu anhu)dan rivoyat qilinadi: Bir ayol Rasululloh ﷺning huzurlariga kelib: «Ey Rasululloh, sizning hadisingizni (eshitishni) erkaklar olib qoʻydi. Bizga ham oʻzingizdan bir kun ajrating — biz sizning oldingizga kelaylik, siz bizga Alloh oʻzingizga oʻrgatgan narsalardan oʻrgatasiz», dedi. U zot: «Falon-falon kuni, falon-falon joyda toʻplaninglar», dedilar. Ular toʻplandilar. Rasululloh ﷺ ularning oldilariga kelib, Alloh oʻzlariga oʻrgatgan narsalardan ularga oʻrgatdilar. Soʻng: «Sizlardan qaysi bir ayol uch farzandini (oʻzidan) oldin (vafot ettirib) yuborsa, albatta ular unga doʻzaxdan toʻsiq boʻladi», dedilar. Ulardan bir ayol: «Ey Rasululloh, ikkitasi(ni yuborsa)?» dedi. (Rovi) aytdi: U buni ikki marta takrorladi. Soʻng u zot: «Ikkitasi ham, ikkitasi ham, ikkitasi ham (xuddi shunday)», dedilar.Абу Саид ал-Худрий (розияллоҳу анҳу)дан ривоят қилинади: Бир аёл Расулуллоҳ ﷺнинг ҳузурларига келиб: «Эй Расулуллоҳ, сизнинг ҳадисингизни (эшитишни) эркаклар олиб қўйди. Бизга ҳам ўзингиздан бир кун ажратинг — биз сизнинг олдингизга келайлик, сиз бизга Аллоҳ ўзингизга ўргатган нарсалардан ўргатасиз», деди. У зот: «Фалон-фалон куни, фалон-фалон жойда тўпланинглар», дедилар. Улар тўпландилар. Расулуллоҳ ﷺ уларнинг олдиларига келиб, Аллоҳ ўзларига ўргатган нарсалардан уларга ўргатдилар. Сўнг: «Сизлардан қайси бир аёл уч фарзандини (ўзидан) олдин (вафот эттириб) юборса, албатта улар унга дўзахдан тўсиқ бўлади», дедилар. Улардан бир аёл: «Эй Расулуллоҳ, иккитаси(ни юборса)?» деди. (Рови) айтди: У буни икки марта такрорлади. Сўнг у зот: «Иккитаси ҳам, иккитаси ҳам, иккитаси ҳам (худди шундай)», дедилар.