Abu Said al-Xudriy (roziyallohu anhu)dan rivoyat qilinadi: Bir ayol Rasululloh ﷺ ning huzurlariga kelib: «Yo Rasululloh! Erkaklar sizning soʻzingizni (ilmingizni) olib ketishdi. Bizga ham oʻzingizdan bir kun ajrating, oʻsha kuni huzuringizga kelsak, Alloh sizga oʻrgatgan narsalardan bizga oʻrgatsangiz», dedi. U zot: «Falon-falon kuni toʻplaninglar», dedilar. Bas, ular toʻplandilar va Rasululloh ﷺ ularning oldiga kelib, Alloh oʻzlariga oʻrgatgan narsalardan ularga oʻrgatdilar. Soʻng: «Sizlardan qaysi bir ayolning oldidan uchta farzandi (vafot etib) ketsa, albatta, ular u uchun doʻzaxdan toʻsiq boʻladilar», dedilar. Shunda bir ayol: «Ikkita-ikkita-ikkita boʻlsa-chi?» dedi. Rasululloh ﷺ: «Ikkita-ikkita-ikkita boʻlsa ham», dedilar.Абу Саид ал-Худрий (розияллоҳу анҳу)дан ривоят қилинади: Бир аёл Расулуллоҳ ﷺ нинг ҳузурларига келиб: «Ё Расулуллоҳ! Эркаклар сизнинг сўзингизни (илмингизни) олиб кетишди. Бизга ҳам ўзингиздан бир кун ажратинг, ўша куни ҳузурингизга келсак, Аллоҳ сизга ўргатган нарсалардан бизга ўргатсангиз», деди. У зот: «Фалон-фалон куни тўпланинглар», дедилар. Бас, улар тўпландилар ва Расулуллоҳ ﷺ уларнинг олдига келиб, Аллоҳ ўзларига ўргатган нарсалардан уларга ўргатдилар. Сўнг: «Сизлардан қайси бир аёлнинг олдидан учта фарзанди (вафот этиб) кетса, албатта, улар у учун дўзахдан тўсиқ бўладилар», дедилар. Шунда бир аёл: «Иккита-иккита-иккита бўлса-чи?» деди. Расулуллоҳ ﷺ: «Иккита-иккита-иккита бўлса ҳам», дедилар.