Abu Hurayra (roziyallohu anhu)dan rivoyat qilinadiki, bir aʼrobiy (badaviy arab) Rasululloh ﷺning huzurlariga kelib: «Mening ayolim qora bola tugʻdi, men uni (oʻzimniki deb) tan olmayapman», dedi. Rasululloh ﷺ unga: «Sening tuyalaring bormi?» dedilar. U: «Ha», dedi. U zot: «Ularning ranglari qanday?» dedilar. U: «Qizil», dedi. U zot: «Ularning orasida kulrang (xokisterrang)i bormi?» dedilar. U: «Ha, orasida kulranglari bor», dedi. U zot: «Bu (rang) qayerdan kelib qoldi deb oʻylaysan?» dedilar. U: «Ey Rasululloh, biror tomir (irq) uni tortib (chiqarib) qoʻygandir», dedi. U zot: «Balki buni ham biror tomir tortib (chiqarib) qoʻygandir», dedilar. Va u zot unga (bolani) oʻzidan tonib voz kechishga ruxsat bermadilar.Абу Ҳурайра (розияллоҳу анҳу)дан ривоят қилинадики, бир аъробий (бадавий араб) Расулуллоҳ ﷺнинг ҳузурларига келиб: «Менинг аёлим қора бола туғди, мен уни (ўзимники деб) тан олмаяпман», деди. Расулуллоҳ ﷺ унга: «Сенинг туяларинг борми?» дедилар. У: «Ҳа», деди. У зот: «Уларнинг ранглари қандай?» дедилар. У: «Қизил», деди. У зот: «Уларнинг орасида кулранг (хокистерранг)и борми?» дедилар. У: «Ҳа, орасида кулранглари бор», деди. У зот: «Бу (ранг) қаердан келиб қолди деб ўйлайсан?» дедилар. У: «Эй Расулуллоҳ, бирор томир (ирқ) уни тортиб (чиқариб) қўйгандир», деди. У зот: «Балки буни ҳам бирор томир тортиб (чиқариб) қўйгандир», дедилар. Ва у зот унга (болани) ўзидан тониб воз кечишга рухсат бермадилар.