Jobir ibn Abdulloh (roziyallohu anhumo)dan rivoyat qilinadi: Nabiy ﷺ: «Kim sarimsoq yoki piyoz yegan boʻlsa, bizdan yiroq tursin yoki masjidimizdan yiroq tursin va uyida oʻtirsin» dedilar. U zotga bir badr (Ibn Vahb aytadi: yaʼni laganni nazarda tutadi) keltirildiki, unda koʻkat-sabzavotlar bor edi. U zot undan hid sezib, u haqida soʻradilar va undagi koʻkatlar haqida xabar berildi. Shunda: «Buni (falon kishiga) yaqinlashtiringlar» dedilar. Uni oʻzlari bilan birga boʻlgan sahobalaridan biriga yaqinlashtirishdi. (Sahoba) buni koʻrib, uni yeyishni yoqtirmadi. U zot: «Ye, men sen pichirlashib gaplashmaydigan zot bilan pichirlashib gaplashaman» dedilar. Ibn Ufayr Ibn Vahbdan: «Unda koʻkatlar boʻlgan bir qozon bilan» deb rivoyat qildi. Lays va Abu Safvon Yunusdan (rivoyat qilganda) qozon voqeasini zikr qilmadilar. Bu Zuhriyning soʻzimi yoki hadis ichidanmi — bilmayman.Жобир ибн Абдуллоҳ (розияллоҳу анҳумо)дан ривоят қилинади: Набий ﷺ: «Ким саримсоқ ёки пиёз еган бўлса, биздан йироқ турсин ёки масжидимиздан йироқ турсин ва уйида ўтирсин» дедилар. У зотга бир бадр (Ибн Ваҳб айтади: яъни лаганни назарда тутади) келтирилдики, унда кўкат-сабзавотлар бор эди. У зот ундан ҳид сезиб, у ҳақида сўрадилар ва ундаги кўкатлар ҳақида хабар берилди. Шунда: «Буни (фалон кишига) яқинлаштиринглар» дедилар. Уни ўзлари билан бирга бўлган саҳобаларидан бирига яқинлаштиришди. (Саҳоба) буни кўриб, уни ейишни ёқтирмади. У зот: «Е, мен сен пичирлашиб гаплашмайдиган зот билан пичирлашиб гаплашаман» дедилар. Ибн Уфайр Ибн Ваҳбдан: «Унда кўкатлар бўлган бир қозон билан» деб ривоят қилди. Лайс ва Абу Сафвон Юнусдан (ривоят қилганда) қозон воқеасини зикр қилмадилар. Бу Зуҳрийнинг сўзими ёки ҳадис ичиданми — билмайман.