Ibn Abbos (roziyallohu anhumo) aytadi: Tamim ad-Doriy va Adiy ibn Baddo savdo uchun Makkaga borib turishardi. Banu Sahmdan bir kishi chiqib, musulmon yoʻq bir yurtda vafot etdi va ikkoviga vasiyat qildi. Ular uning merosini ahliga topshirdilar, ammo oltin bilan naqshlangan kumush jomni olib qoldilar. Rasululloh ﷺ ikkoviga: «Yashirmadingizmi, (uni) olmadingizmi?» deb qasam ichirdilar. Soʻngra oʻsha jom Makkada tanildi va (uni olganlar): «Biz uni Adiy ibn Baddo bilan Tamimdan sotib olganmiz», dedilar. Shunda sahmiyning yaqinlaridan ikki kishi kelib: «Vallohi, bu jom sahmiyniki; bizning guvohligimiz ularning guvohligidan haqroqdir va biz haddan oshmadik; aks holda, biz zolimlardan boʻlamiz», deb qasam ichdilar va jomni olishdi. Mana shular haqida bu oyat nozil boʻldi.Ибн Аббос (розияллоҳу анҳумо) айтади: Тамим ад-Дорий ва Адий ибн Баддо савдо учун Маккага бориб туришарди. Бану Саҳмдан бир киши чиқиб, мусулмон йўқ бир юртда вафот этди ва икковига васият қилди. Улар унинг меросини аҳлига топширдилар, аммо олтин билан нақшланган кумуш жомни олиб қолдилар. Расулуллоҳ ﷺ икковига: «Яширмадингизми, (уни) олмадингизми?» деб қасам ичирдилар. Сўнгра ўша жом Маккада танилди ва (уни олганлар): «Биз уни Адий ибн Баддо билан Тамимдан сотиб олганмиз», дедилар. Шунда саҳмийнинг яқинларидан икки киши келиб: «Валлоҳи, бу жом саҳмийники; бизнинг гувоҳлигимиз уларнинг гувоҳлигидан ҳақроқдир ва биз ҳаддан ошмадик; акс ҳолда, биз золимлардан бўламиз», деб қасам ичдилар ва жомни олишди. Мана шулар ҳақида бу оят нозил бўлди.