Alqamadan rivoyat qilinadi: Abdulloh (ibn Masʼud) aytdi: Rasululloh ﷺ namoz oʻqidilar. Ibrohim aytdi: (Rakatni) ortdirdilarmi yoki kamaytirdilarmi — bilmayman. U zot salom berganlarida: «Ey Allohning Rasuli, namozda biror yangi narsa boʻldimi?» deyildi. U zot: «Yoʻq, nima boʻlibdi?» dedilar. Ular: «Siz mana bunday oʻqidingiz», dedilar. Shunda u zot ikki oyoqlarini bukib, qiblaga yuzlanib, ikki sajda qildilar, soʻng salom berdilar. Salom berganlaridan keyin bizga yuzlanib: «Agar namozda biror yangi narsa boʻlganida, sizlarga uni bildirardim. Lekin men ham insonman, sizlar unutganingizdek unutaman. Bas, men unutsam, menga eslatinglar. Biringiz namozida shubhaga tushsa, toʻgʻrisini izlasin, soʻng shunga binoan (namozini) tugatsin, keyin salom bersin, soʻngra ikki sajda qilsin», dedilar.Алқамадан ривоят қилинади: Абдуллоҳ (ибн Масъуд) айтди: Расулуллоҳ ﷺ намоз ўқидилар. Иброҳим айтди: (Ракатни) ортдирдиларми ёки камайтирдиларми — билмайман. У зот салом берганларида: «Эй Аллоҳнинг Расули, намозда бирор янги нарса бўлдими?» дейилди. У зот: «Йўқ, нима бўлибди?» дедилар. Улар: «Сиз мана бундай ўқидингиз», дедилар. Шунда у зот икки оёқларини букиб, қиблага юзланиб, икки сажда қилдилар, сўнг салом бердилар. Салом берганларидан кейин бизга юзланиб: «Агар намозда бирор янги нарса бўлганида, сизларга уни билдирардим. Лекин мен ҳам инсонман, сизлар унутганингиздек унутаман. Бас, мен унутсам, менга эслатинглар. Бирингиз намозида шубҳага тушса, тўғрисини изласин, сўнг шунга биноан (намозини) тугатсин, кейин салом берсин, сўнгра икки сажда қилсин», дедилар.