Abu Muso al-Ashʼariy (roziyallohu anhu)dan rivoyat qilinadiki, bir soʻrovchi Nabiy ﷺning oldilariga kelib, namoz vaqtlari haqida soʻradi, u zot esa unga hech narsa qaytarmadilar. Soʻng Bilolga buyurdilar, u tong yorilganida namozga iqomat aytdi va (u zot) oʻqidilar. Soʻng unga buyurdilar, u peshinga iqomat aytdi — aytuvchi: «Quyosh ogʻdimi yoki ogʻmadimi?» der edi, holbuki u zot ulardan bilimliroq edilar. Soʻng unga buyurdilar, u quyosh baland turganida asrga iqomat aytdi. Unga buyurdilar, u quyosh botganida shomga iqomat aytdi. Unga buyurdilar, u shafaq tushgan paytda xuftonga iqomat aytdi. (Roviy) aytdi: Ertasi kuni bomdodni — aytuvchi: «Quyosh chiqdimi yoki chiqmadimi?» deydigan paytda, holbuki u zot ulardan bilimliroq edilar — oʻqidilar. Peshinni kechagi asr vaqtiga yaqin oʻqidilar. Asrni — aytuvchi: «Quyosh qizardi», deydigan paytda oʻqidilar. Soʻng shomni shafaq gʻoyib boʻlishidan oldin oʻqidilar. Xuftonni kechaning birinchi uchdan birida oʻqidilar. Soʻng: «Soʻrovchi qani? Vaqt — shu ikki vaqtning orasidadir», dedilar.Абу Мусо ал-Ашъарий (розияллоҳу анҳу)дан ривоят қилинадики, бир сўровчи Набий ﷺнинг олдиларига келиб, намоз вақтлари ҳақида сўради, у зот эса унга ҳеч нарса қайтармадилар. Сўнг Билолга буюрдилар, у тонг ёрилганида намозга иқомат айтди ва (у зот) ўқидилар. Сўнг унга буюрдилар, у пешинга иқомат айтди — айтувчи: «Қуёш оғдими ёки оғмадими?» дер эди, ҳолбуки у зот улардан билимлироқ эдилар. Сўнг унга буюрдилар, у қуёш баланд турганида асрга иқомат айтди. Унга буюрдилар, у қуёш ботганида шомга иқомат айтди. Унга буюрдилар, у шафақ тушган пайтда хуфтонга иқомат айтди. (Ровий) айтди: Эртаси куни бомдодни — айтувчи: «Қуёш чиқдими ёки чиқмадими?» дейдиган пайтда, ҳолбуки у зот улардан билимлироқ эдилар — ўқидилар. Пешинни кечаги аср вақтига яқин ўқидилар. Асрни — айтувчи: «Қуёш қизарди», дейдиган пайтда ўқидилар. Сўнг шомни шафақ ғойиб бўлишидан олдин ўқидилар. Хуфтонни кечанинг биринчи учдан бирида ўқидилар. Сўнг: «Сўровчи қани? Вақт — шу икки вақтнинг орасидадир», дедилар.