Oisha (roziyallohu anho)dan rivoyat qilinadi: Quraysh oʻgʻirlik qilgan maxzumiylik ayolning ishidan tashvishga tushdi va: «Uning haqida Rasululloh ﷺ bilan kim gaplashadi?» dedilar. «Rasululloh ﷺning sevimlisi Usoma ibn Zayddan boshqa kim buni qilishga jurʼat eta oladi?» dedilar. Bas, Usoma u zot bilan gaplashdi. Shunda Rasululloh ﷺ: «Allohning hadlaridan bir hadda shafoat qilyapsanmi?!» dedilar. Soʻng oʻrinlaridan turib xutba qildilar va: «Sizlardan avvalgilar shu sababdan halok boʻldilar: ular orasida obroʻli kishi oʻgʻirlik qilsa, uni qoʻyib yuborardilar, oralaridagi ojiz kishi oʻgʻirlik qilsa, unga hadni ijro etardilar. Alloh nomiga qasam, agar Muhammadning qizi Fotima oʻgʻirlik qilganida ham, albatta uning qoʻlini kesardim», dedilar.Оиша (розияллоҳу анҳо)дан ривоят қилинади: Қурайш ўғирлик қилган махзумийлик аёлнинг ишидан ташвишга тушди ва: «Унинг ҳақида Расулуллоҳ ﷺ билан ким гаплашади?» дедилар. «Расулуллоҳ ﷺнинг севимлиси Усома ибн Зайддан бошқа ким буни қилишга журъат эта олади?» дедилар. Бас, Усома у зот билан гаплашди. Шунда Расулуллоҳ ﷺ: «Аллоҳнинг ҳадларидан бир ҳадда шафоат қиляпсанми?!» дедилар. Сўнг ўринларидан туриб хутба қилдилар ва: «Сизлардан аввалгилар шу сабабдан ҳалок бўлдилар: улар орасида обрўли киши ўғирлик қилса, уни қўйиб юборардилар, ораларидаги ожиз киши ўғирлик қилса, унга ҳадни ижро этардилар. Аллоҳ номига қасам, агар Муҳаммаднинг қизи Фотима ўғирлик қилганида ҳам, албатта унинг қўлини кесардим», дедилар.